Бөгелмәдә сырхауханәдә ремонт эшләре барышы турында сөйләделәр

2018 елның 2 августы, пәнҗешәмбе

Республика клиник хастаханәсенең баш табибы Рафаэль Шавалиев эш визиты белән Бөгелмәгә килеп китте.

 Бөгелмә ҮРХнең баш табибы вазыйфасын башкаручы Илнар Вилданов кунакны хастаханәнең структур бүлекчәләренең эшчәнлеге белән таныштырды. Баруның беренче чираттагы пункты сырхауханә булды. Анда хәзерге вакытта капиталь ремонт эшләре бара. Очрашу барышында җитәкчеләр Бөгелмә муниципаль районының балаларга һәм өлкән кешеләргә медицина ярдәмен күрсәтүнең сыйфатын һәм ала алырлыгын яхшырту турында, күрсәтелгән медицина хезмәтләренең сыйфаты белән пациентларның  канәгатьләнү дәрәҗәсен арттыру турында һәм үзәк район хастаханәсе үсешенең перспективалары турында фикер алыштылар.