Татарстан Республикасы хирургия хезмәте эшчәнлеге нәтиҗәләре һәм перспективалары турында

2012 елның 23 нче мартында «Югары медицина технологияләре белем бирү үзәге»ндә Татарстан
Республикасы хирургия хезмәтенең медицина активы үтәчәк.

«2011 нче елда Татарстан Республикасы хирургия хезмәте эшчәнлеге нәтиҗәләре һәм 2012 нче елга
куелган бурычлар турында» дигән төп доклад белән, хирургия ярдәме күрсәтүнең сыйфаты анализы
белән Татарстан Республикасы сәламәтлек саклау министрлыгының баш штаттан тыш белгеч-хирургы профессор А.Ю. Анисимов чыгыш ясаячак.Казан шәһәре хирургия хезмәтенең хәзерге халәте
һәм аны үстерүнең перспективалары турында сәламәтлек саклау белән идарә итүнең баш штаттан тыш
белгеч-хирургы П.Н. Сысоев сөйләячәк.

 «Болгар» теплоходы һәлакәте корбаннарына суд-медицина экспертизалары оештыру һәм үткәрү
турында кыска мәгълүмат белән Дәүләт автоном сәламәтлек саклау оешмасы Республика
суд-медицина экспертиза бюросы эксперт эш мөдире урынбасары, медицина фәннәре докторы
В.А. Спиридонов чыгыш ясаячак.

Чараның эшендә хирургия бүлекләре мөдирләре, Татарстан Республикасы медицина оешмалары
табиблары катнашачаклар.

Үткәрү вакыты: 2012 елның 23 нче марты, башлана 11.00 сәгатьтә

Үткәрү урыны: «Югары медицина технологияләре белем бирү үзәге» Коммерцияле булмаган
партнерлыгы (Казан шәһәре, Оренбург тракты урамы, 138 йорт).