Түбән Камада яшәүче хатын-кызлар түләүсез маммографик карап тикшерү уза алачаклар

Сөт бизе авыруларын кисәтү кысаларында сентябрьдә һәм октябрьдә Түбән Камада ММИ буенча түләүсез маммографик карап тикшерү узачак. Маммографик диагностика хатын-кызларда башлангыч стадияләрдә сөт бизе авыруларын ачыклау һәм диагностикалау өчен кулланыла. Карап тикшерү вакытында хатын-кыз күкрәген  тикшерү өчен нурланышның югары булмаган дозаларының  рентген системалары кулланыла.