Йөрәк-кан тамырлары хирургы көне

23 нче мартта Әлмәт шәһәрендә «Йөрәк-кан тамырлары хирургы көне» Республика фәнни-практик конференциясе булды. 

Конференция эшендә Татарстан Республикасы сәламәтлек саклау министры урынбасары Ринат
Җәләлдинов, Россия сәламәтлек саклау Россия кардиология фәнни-җитештерү комплексы (РКФҖК) генераль директоры урынбасары, академик РАМН Ренат Акчурин,
Татарстан Республикасы сәламәтлек саклау министрлыгы баш штаттан тыш белгеч йөрәк-кан
тамырлары хирургы, профессор, м.ф.д. Роин Джорджикия, Татарстанның алдынгы йөрәк-кан тамырлары
хирурглары, рентгенохируглар, кардиологлар катнаштылар. 

Медсанчастьнең кардиохирургия бүлеге мөдире, профессор, м.ф.д. Нур Сибагатуллин үз докладында
көньяк-көнчыгыш регионда кардиохирургия халәте турында кыска тарихи белешмә бирде, кардиохирургия
бүлегендә соңгы өч ел эчендә үткәрелгән операцияләр һәм аларның нәтиҗәләре турында доклад
ясады. Игътибар итәрлек, конференциягә кадәр берничә көн элек медсанчастьнең кардиохирургия
хезмәте белән ясалма кан  әйләнеше шартларында ачык йөрәккә 500-нче операция ясалды. Пациентка Ә., 71 яшь
канәгатьләнерлек халәттә, чыгарга әзерләнә.

Республикада Татарстан кардиохирургия хезмәтенең заманча халәте турында Татарстан Республикасы
сәламәтлек саклау министрлыгы баш штаттан тыш белгеч йөрәк-кан тамырлары хирургы Роин
Джорджикия сөйләде һәм хезмәтнең төп үсеш юлларын билгеләде.

Конференция ахырында үрнәк белгечләрне бүләкләү булды.