Хезмәттәшләр визиты

27 нче мартта Яр Чаллы шәһәренә Казан шәһәре сәламәтлек саклау белән идарә итү җитәкчесе
урынбасары Альбина Малова җитәкчелегендә сәламәтлек саклау белән идарә итү һәм Казан
больницалары баш табиблары делегациясе килде. Килүнең максаты шәһәр халкын амбулатор-
поликлиник тәэмин итү концепциясе белән танышу булды.

Визит барышында кунаклар гомуми практик табиблар һәм күп катлы торак өйләрнең беренче
катларындагы урнашкан участок табиб педиатрлар бүлекләренә, һәм шулай ук Татарстан Республикасы
Дәүләт үзидарәле сәламәтлек саклау оешмасы «Ашыгыч медицина ярдәме больницасы»на керделәр.
6 нчы номерлы шәһәр хастаханәсе баш табибы Мөҗәһитов Н.Ф., ашыгыч медицина ярдәме больницасы
баш табибы Хәйруллин И.И. таныштыру экскурсияләре үткәрделәр һәм үз оешмаларының эшен
оештыру тәҗрибәсе белән бүлештеләр. Клиник-диагностика лабораториясен, функциональ диагностика бүлеген,
стационар бүлекләрне күрсәттеләр. Делегациядә катнашучылар кабул итү һәм больница буйлап
экскурсия өчен рәхмәт сүзләрен бәяләмәләр китабында калдырдылар.