Атна эчендә Казанның ашыгыч ярдәм хезмәтенең табиблары 7568 тапкыр кешеләрне коткарырга чыктылар

2018 елның 8 октябре, дүшәмбе

Атна эчендә Казанның ашыгыч ярдәм хезмәтенең табиблары 7568 тапкыр, шул санда җәмәгать урыннарына 1269 тапкыр, кешеләрне коткарырга чыктылар. Бәхетсезлек очракларына медиклар 974 тапкыр чыктылар, шул санда юл-транспорт һәлакәтләренә – 60 тапкыр. Бу ЮТҺдә 73 кеше зыян күрде, 37 кеше дәвалау оешмаларына китерелде. Янгыннарга медиклар 12 тапкыр чыктылар. Бала табуларга Казанның Ашыгыч медицина ярдәме станциясеннән медиклар 80 тапкыр чыктылар. Төрле авырулар буенча 5837 чакыру үтәлде, шулардан көчле миокард инфарктлары – 55, баш мие кан әйләнешенең көчле бозылулары – 198.