Казанда дүртенче тапкыр медицина династияләрен хөрмәтләделәр
Бүген «Казан» Гаилә үзәгендә медицина династияләрен хөрмәтләделәр. Тантаналы чара дүртенче тапкыр узды. 9 табиб династиясе вәкилләренә шәһәр Мэры Илсур Метшинның Рәхмәт хатлары һәм истәлекле бүләкләр тапшырылды. Һәр гаиләдә сәламәтлек саклау өлкәсендә кимендә өч буын эшли, ә һәр династиянең гомуми медицина стажы 100 елдан артык тәшкил итә.
Бүген Поспеловлар, Габделхаковлар – Дәүләтшиннар – Мингалеевлар, Васильевлар – Сабитовлар – Мөхәммәтовлар, Ситдыковлар, Урманчеевлар, Подрядновлар, Мәҗитовлар, Фәтхуллиннар – Мифтаховлар һәм Гәрәевлар династияләренә Казан Мэрының Рәхмәт хатларын тапшырдылар.
Тантаналы чара Медицина хезмәткәрләре көненә багышланган иде. Оештыручылар – Татарстан башкаласы Мэриясе, ТР ССМның Казан буенча Сәламәтлек саклау идарәсе, Казан шәһәр думасы һәм ГХАТ Идарәсе.
Казан Мэриясе матбугат хезмәте материаллары буенча.