Тәтеш районында наркотикларга каршы лекция узды

2019 елның 27 июне, пәнҗешәмбе

Тәтеш ҮРХ белгечләре балигъ булмаганнар эшләре буенча бүлек хезмәткәрләре белән берлектә Халыкара наркотик чаралар белән мавыгуга каршы көрәш көненә багышланган профилактик лекция белән «Чайка» БСЛда (Балалар сәламәтләндерү лагере) булдылар. Табиб-нарколог Наталья Ляченкова укучыларга бәйле булу яшәү рәвешенең нәтиҗәләре турында сөйләде. Очрашу ахырында катнашучылар наркотик матдәләр профилактикасы буенча брошюралар һәм плакатлар алдылар.