Түбән Кама табиблары балаларга наркотикларның зыяны турында сөйләделәр

Түбән Кама табиблары «Зәңгәр Күл» балалар сәламәтләндерү лагеренда ял итүче балаларга наркотикларның зыяны турында сөйләделәр. Республика наркология диспансеры Түбән Кама филиалының психиатр-наркологы Ирина Жукова нигә ир-кешеләрнең фигуралары сыра куллану аркасында хатын-кызлар типы буенча үзгәрә башлавы һәм спайсларның ничек йогынты ясавы турында сөйләде. Ә әңгәмәдән соң балалар флешмоб оештырдылар.

Халыкара наркоманиягә каршы көрәш көненә багышланган чара ТКМР буенча Сәламәтлек саклау идарәсе һәм Медицина профилактикасы үзәге тарафыннан оештырылды.