Түбән Камада хатын-кызлар консультациясе белгечләре һәм психологлар өчен семинар узды

2019 елның 27 июне, пәнҗешәмбе

Казан шәһәренең 1нче номерлы бала тудыру йорты җирлегендә Аналарны һәм балаларны яклау һәм абортка каршы консультацияләр бирү үзәге психологы Аида Фиогбе Түбән Кама Хатын-кызлар консультациясендә булды һәм анда җирле белгечләр белән аралашты. Акушер-гинекологлар һәм психологлар өчен семинарны «Яшьләр клиникасы» Медицина-социаль ярдәм бүлеге белән берлектә оештырдылар.

Мондый коллектив эш инде үз нәтиҗәләрен бирә. Хәзер абортка баручы хатын-кызларның 30%ы белгечләр белән аралашканнан соң йөклелекне өзүдән баш тарталар. 9 июльдән башлап 15 июльгә кадәр Түбән Кама Хатын-кызлар консультациясендә «Абортларга каршы» акциясе узачак, аның барышында күп чаралар үткәрү планлаштырылган.