Казан шәһ. 12нче номерлы Шәһәр клиник хастаханәсе 70 еллыгын билгеләп үтте

2019 елның 4 июле, пәнҗешәмбе

Казанның иң эре хастаханәләренең берсе – 12нче номерлы Шәһәр клиник хастаханәсе 70 яшьлек юбилеен билгеләп үтте. Кичә тантаналы чара Ленин ис. Мәдәният сараенда узды.

ТР сәламәтлек саклау министры урынбасары Илдар Фатыйхов, ТР Дәүләт Советының Сәламәтлек саклау өлкәсендә Дәүләт программаларын гамәлгә ашыруны контрольдә тоту комиссиясе рәисе Светлана Захарова, Казан шәһ. Сәламәтлек саклау идарәсе башлыгы Илнур Хәлфиев, Башкарма комитет җитәкчесенең беренче урынбасары Рөстәм Гафаров бәйрәмнең кунаклары булдылар.