РКДҮдә яңа буынның аорталь клапанын транскатетерлы имплантацияләү буенча күрсәтмә операция узды
30 сентябрьдә РКДҮдә «Йөрәк- кан тамырлары хирургиясендә ачык, эндоваскуляр һәм гибрид дәвалау технологияләре» дигән Йөрәк-кан тамырлары хирургиясе мәктәбе булды.
Мәктәп чикләрендә яңа буынның аорталь клапанын транскатетерлы урнаштыру буенча күрсәтмә операция үткәрелде. Операция бүлмәсеннән турыдан-туры трансляция оештырылган иде – тыкшыну барышын РКДҮнең конференц-залында катнашучылар, шулай ук республиканың башка югары технологияле үзәкләреннән белгечләр күзәтеп тора алдылар. Операцияне РКДҮнең рентген-хирургия алымнары бүлегенең мөдире Михаил Володюхин һәм табиблар-рентгенохирурглар белән бергә РФ Сәламәтлек саклау министрлыгының Кардиологиянең милли медицина тикшеренү үзәгенең йөрәк-кан тамырлары хирургиясе бүлегенең баш фәнни хезмәткәре Тимур Имаев үткәрде.
Көн йомгаклары буенча Тимур Имаев Йөрәк-кан тамырлары хирургиясе мәктәбен ел саен үткәрү инициативасы белән чыгыш ясады.