Халыкара катнашу белән бергә үткәрелә торган «Сәламәт тормыш өчен» дигән Йогышлы булмаган авырулар профилактикасы һәм сәламәт яшәү рәвешен оештыру буенча беренче форум

Ни өчен беренче?

Бу форум кешелекнең глобаль проблемаларын актуальләштерү өлкәсендә инновацион федераль проект булып тора.

Халыкара катнашу белән бергә үткәрелә торган «Сәламәт тормыш өчен»  дигән Йогышлы булмаган авырулар профилактикасы буенча беренче форум сәламәт яшәү рәвешен формалаштыруда һәм гражданиннарның тормыш сыйфатын яхшыртуда башлаучы проект буларак уйланылган. Ул үз структурасында  фәнни докладлар, конференцияләр, күргәзмәләр, презентацияләр һәм башка чараларны берләштерәчәк. Дүрт ел дәвамында  шундый ук форумнар Россия Федерациясенең сигез федераль округында  үткәреләчәк.

Ни өчен «йогышлы булмаган авырулар»? Бу нәрсә?

Йогышлы булмаган авырулар (ЙБА)  астында, озакка бара торган һәм, кагыйдә буларак, акрын көчәюче хроник авырулар төркеме хисапланыла. ЙБАның дүрт төп төре булып йөрәк-кан тамырлары (инфаркт һәм инсульт кебек) авырулары, яман шеш авырулары, озакка сузылучан респирацияле (озакка сузылучан обструктив үпкә авыруы һәм астма кебек) авырулар  һәм диабет торалар. ЙБА барлыкка килүнең риск факторлары булып, зарарлы матдәләр йогынтысы, генетик килешеп тору белән бергә сәламәт яшәү рәвеше алып бармау тора (алкогольне чамадан тыш куллану, тәмәке тарту, дөрес итеп тукланмау, аз хәрәкәтлелек).

Ни өчен Казанда?

Беренче форумны Казанда үткәрү Казан медицина мәктәбенең фәнни абруена таныкнамә булып тора. Күп казан табибларының исемнәре бөтен дөньяда яхшы танылган. Казан, югары белем бирү оешмалары белән беррәттән, фәнни үзәк булып тора, шәһәрдә  фәнни - тикшеренү институтлары, Россия фәннәр академиясе фәнни үзәге, Татарстан Республикасы Фәннәр академиясе урнашкан.

Татарстан Республикасында  соңгы елларда сәламәтлек саклау системасын яңача оештыру һәм оптимизацияләү буенча киңмасштаблы чаралар үткәрелде.  2011 елда бездә соңгы 12 ел эчендә иң түбән халык үлеме саны теркәлде һәм бу тенденция саклана. Туучылар санының артуы билгеләнә. Татарстанлыларның гомер озынлыгы якынча 72 ел булыр дип көтелә.

Максат нәрсәдә?

Форум миссиясе:

Россиялеләрнең сәламәтлеген  саклауның төп өлеше буларак тормышны оештыруга карата булган  мөнәсәбәтне үзгәртү.

Форум максаты:

федераль һәм җирле сәясәт лидерлары, дәүләт һәм иҗтимагый эшлеклеләр, сәламәтлек саклау, мәгариф, мәдәният, иҗтимагый саклау, яшьләр һәм спорт эше сферасы вәкилләре, эчке хокук тәртибе, иҗтимагый оешмалар, массакүләм мәгълүмат чаралары әгъзаларының халык сәламәтлеген саклау һәм ныгыту, халык саны кимү темпларын киметү буенча актуаль сорауларны чишүдә  катнашуларын тәэмин итү.

Форум бурычлары:

- җәмәгатьчелек игътибарын сәламәтлекне саклау һәм ныгыту проблемаларына җәлеп итү;
- халыкта сәламәт яшәү рәвешенә омтылыш барлыкка китерү.

Кайчан? Кайда?

2012 елның 10нчы октябреннән 11нче октябрьгә кадәр Казан шәһәрендә.

Форум 2012 елның 10нчы октябрендә 10.00 сәгатьтә ГТРК «Корстон»да ачыла.

Катнашучылар кем?

Форумда 500дән артык кеше, шул исәптән  чит ил белгечләре, Бөтендөнья Сәламәтлек саклау оешмасы вәкилләре, Россиянең әйдәүче галимнәре катнашачак.
•Скворцова Вероника Игоревна - Россия Федерациясе Сәламәтлек саклау министры
•Жуков Александр Дмитриевич - Россия Федерациясе Дәүләт Думасы рәисенең беренче урынбасары, Россия Олимпия комитеты президенты
•Миңлеханов Рөстәм Нургали улы -  Татарстан Республикасы Президенты
•Герасименко Николай Фёдорович - Дәүләт Думасы Комитеты сәламәтлекне саклау буенча рәиснең беренче урынбасары, РМФА академигы
•Дедов Иван Иванович - Россия Медицина фәннәре академиясе президенты, РФА һәм РМФА академигы
•Луиджи Миглиорини – Бөтендөнья Сәламәтлек саклау оешмасының Россия Федерациясендәге махсус вәкиле
•Джимми Колкер - АКШ Сәламәтлек саклау һәм иҗтимагый хезмәтләр департаментының халыкара бәйләнешләр буенча директор урынбасары
•Дэвид Тэйлор – Лондон университеты колледжы Фармацевтика мәктәбе профессоры (Бөекбритания)
•Фәррахов Айрат Зәки улы - Татарстан Республикасы Сәламәтлек саклау министры
•Эван Ли – Йогышлы булмаган авырулар буенча Глобаль партнерлыкның башкаручы директоры (США)
•Кейт Норрис – Чарльз Дрюның Медицина һәм фәнни университеты тикшеренүләре буенча башкаручы вице-президент (АКШ)
• Атанасиос Манолис – Профессор, Асклепион госпиталенең кардиология департаменты җитәкчесе, Афины (Греция)

Кем оештыра?

•Россия Федерациясе Президенты Администрациясе
•Россия Федерациясе Федераль Җыелышының Дәүләт Думасы
•Россия Федерациясе Сәламәтлек саклау министрлыгы
•Россия медицина фәннәре академиясе
•Дөньякүләм Сәламәтлек саклау оешмасы
•Татарстан Республикасы Министрлар Кабинеты
•Татарстан Республикасы Сәламәтлек саклау министрлыгы

2012 елның 10 октябре (беренче көн)

18:00-19:30   Казан шәһәре урамнары буйлап «Сәламәт тормыш өчен» йөрү, концерт (йөрү ГТРК «Корстон»га керә торган җирдән башлана)

2012 елның 10нчы һәм 11нче октябрендә 9.00дан 15.00га кадәр -  диабет үсешенең риск факторын белү өчен мобиль диабет-үзәктә бушлай тикшеренү (Казан шәһәре, Җиңү проспекты, 141 йорт адресы буенча «Мега» сәүдә үзәге янында). Һәр килүчегә кандагы шикәр дәрәҗәсенең экспресс-анализы үткәреләчәк. Табиб эндокринолог алынган тикшерү нәтиҗәләре нигезендә  туры килүче киңәшләр бирәчәк.  

Программа һәм вакыйгалар барышы турында өстәмә хәбәр итәрбез.