Мобиль диабет-үзәктә бушлай тикшеренү үт!

2012 елның 10 - 11 октябрендә Казан шәһәрендә  Йогышлы булмаган авырулар профилактикасы һәм сәламәт яшәү рәвешен формалаштыру буенча «Сәламәт тормыш өчен» дигән беренче халыкара форум үтәчәк.

Форум кысасында  «Милләт сәламәтлеге лигасы» Бөтенроссия иҗтимагый оешмасы һәм Татарстан Республикасы сәламәтлек саклау министрлыгы инициативасы буенча  «Диабет: эш итәргә вакыт» мәгълүмати-белем бирү акциясе оештырылачак. Акциядә катнашырга  теләгәннәр 2012 елның 10 һәм 11 октябрендә 9.00 дан 15.00 гә кадәр Казан шәһәре, Җиңү проспекты, 141 йорт адресы буенча «Мега» сәүдә үзәге янында көтелә.

Акция вакытында шәһәрнең барлык яшәүчеләре һәм кунаклары диабет үсешенең риск факторын белү өчен уникаль мөмкинлеккә - мобиль диабет-үзәктә бушлай тикшеренү үтәргә ия булалар. Һәр килүчегә кандагы шикәр дәрәҗәсенең экспресс-анализы үткәреләчәк. Табиб эндокринолог алынган тикшерү нәтиҗәләре нигезендә  туры килүче киңәшләр бирәчәк.