Түбән Кама травматологлары кисәтә: Сак булыгыз, бозлавык!
Салкыннар башлану белән травматология пункты пациентларының саны кинәт артты. Табиб-травматологлар мондый хәл ел саен кабатлана, диләр.
Травматология пункты мөдире Андрей Аркадьев боздагы күңелсез хәлләргә һәм сәламәтлеккә бәйле проблемаларны ничек булдырмаска дигән киңәшләре белән уртаклашты.
Имгәнүләрне кисәтү өчен, барыннан да элек аяк киеменә игътибар итәргә кирәк. Ул туры табанда булырга, аяк киеме өчен махсус накладкалар кулланырга, хатын-кызларга югары үкчәле аяк киеменнән баш тартырга кирәк. Шәһәр урамнары буйлап йөрү вакытында яктыртылган юл участокларын сайларга кирәк.
Әгәр сез бозлавык булган участокка эләккәнсез икән, кечкенә адымнар белән хәрәкәт итәргә һәм ашыкмаска кирәк.
Түбәнкамалыларга шуны да искәртеп үтәсе килә, алар диварлар һәм торак биналар янында йөрмәскә тиеш, чөнки бу очракта каты кар һәм боз җимерелергә мөмкин, бу да авыр җәрәхәтләр китерә.
Шулай ук табиблар искәрткәнчә, сез травма алган очракта, үз-үзеңне дәвалау белән шөгыльләнергә кирәкми. Сез хәлне авырлаштыра гына аласыз. Шунда ук травматология пункты белгечләренә мөрәҗәгать итү яхшырак.