Прививка – кызамыктан саклануның иң яхшы ысулы

2019 елның 21 ноябре, пәнҗешәмбе

«ТКҮРКПХ» ДАССУдә пациентларны планлы стационар дәвалауга җибәргәндә прививка сертификатын яисә кызамыкка каршы вакцинация булуны таныклаучы терапевттан белешмә бирүне сорыйлар. Түбән Кама хастаханәсендә бу кагыйдә узган атнада эшли башлады. Эпидемиология бүлегендә бу таләп очраклы түгел, дип аңлаталар. Әйтик, Казанда кызамык очраклары теркәлгән, дигән мәгълүмат табибларны мондый чараларга барырга мәҗбүр итте. Бу темага без эпидемиология бүлеге мөдире Вера Нурмөхәммәтова белән тулырак сөйләштек.