Лениногорск районы үзәк хастаханәсенә яңа баш табиб билгеләнде

2020 елның 13 августы, пәнҗешәмбе

13 августта ТР сәламәтлек саклау министрының беренче урынбасары Альмир Абашев Лениногорск үзәк район хастаханәсенең яңа баш табибны тәкъдим итте. Бу вазифага ТР Атказанган табибы - Рим Риф улы Әмиров билгеләнде.

Рим Әмиров Санкт-Петербургта "Дәвалау эше" белгечлеге буенча Киров исемендәге Хәрби-медицина академиясен тәмамлаган. Ул 1999-2015 елларда Лениногорск хастаханәсендә уролог һәм берара баш табиб урынбасары булып эшли. 2015 елдан 2020 елга кадәр - "Зәй РҮХ" ДАССУ баш табибы, 2020 елдан башлап 2020 елның августына кадәр  "Бөгелмә РҮХ " ДАССУ баш табибы вазифаларын башкарган.