Яр Чаллы табибы яман шеш хакындагы ялгыш фикерләү турында сөйләде
Республика клиник онкология диспансеры Яр Чаллы филиалының радиотерапия бүлеге мөдире Ришат Шәүкәт улы Котдусов белән әңгәмә.
- Һөнәрне сайлау очраклы һәм уйланылмаган булырга тиеш түгел, бигрәк тә медицина белгечлекләре турында сүз барганда. Табибның төп сыйфатлардан ул - кеше авыруын кабул итә белү, шәфкатьле, сабыр һәм кыю булу. Онкологиядә дә һәркем дә эшли алмый – бу мораль һәм физик яктан авыр, шуңа да карамастан, мин кая баруымны төгәл белдем, - дип уртаклашты Ришат Шәүкәт улы.
— Беренче курста барлык студент-медиклар хирург булырга хыяллана, - дип көлә Ришат Котдусов. - 2016 елда КДМУның педиатрия факультетын тәмамладым, һәм киләчәк үсеш юлын сайлау вакыты җиткәч, мин онкологиягә өстенлек бирдем һәм КДМАда онкология, радиология һәм паллиатив медицина кафедрасында укуны дәвам иттем. Ординатураны тәмамлаганнан соң РКОДта табиб-радиотерапевт булып эшләргә калдым.
Онкологиядә авыруларны дәвалауның өч төп төре: хирургик дәвалау, дарулар ярдәмендә дәвалау һәм нур терапиясе бар. Дәвалау тактикасы диагнозга, стадиясенә һәм авыру барышына карап сайлана.
РКОДның Яр Чаллы филиалында поликлиник һәм хирургия ярдәме, нур терапиясе, химиотерапия һәм паллиатив ярдәм күрсәтелә.
- Яман шешләрне дәвалауга килгәндә, әгәр элек оператив дәвалауга өстенлек бирелсә, аннары химиотерапия һәм ахыр чиктә генә нур терапиясе кулланыла иде, хәзерге вакытта исә, техник казанышлар аркасында, онкологиядә радиотерапия үсеш алган. Нур терапиясе якынча 70-80% пациентларга нинди дә булса этапта кирәк, ул аерым яисә химиотерапия һәм хирургия белән комбинациядә кулланыла. Билгеле бер локализацияләрдә һәм авыруның стадияләрендә нур терапиясе оператив дәвалауга альтернатива булырга мөмкин. Шул ук вакытта радиотерапиянең заманча алымнарын куллану нәтиҗәсендә яман шештән дәваланып кына калмыйча, зарарланган органны һәм аның функциясен дә саклап калырга мөмкин.
- Бүген яман шеш яхшы дәвалана, бу диагноздан куркырга кирәкми. Иртә диагностика һәм үз вакытында дәвалау күпчелек пациентларның ремиссия мөмкинлекләре турында сөйләргә мөмкинлек бирә,-дип аңлата табиб-онколог.
- Бездә халыкта онкологияне котылгысыз үлем авыруына тиңлиләр. Бу бөтенләй алай түгел. Диспансерлаштыру, скрининглар, начар гадәтләрдән баш тарту кебек профилактик гадәтләрне үтәсәң, күп кенә проблемаларны булдырмаска мөмкин. Хәтта кеше азган стадиясендә мөрәҗәгать итсә дә, бу хөкем карары түгел. Әгәр кешене гомерен коткарып калу мөмкин булмаса да, һәрхәлдә, аның тормыш сыйфатын яхшырту-тормыш сыйфатын озайтырга була.
- Мин, бүлек мөдире буларак, үз хезмәткәрләремә һәр пациент өчен җаваплылык хисе тәрбияләргә тырышам һәм бер командада эшләргә өйрәтәм, - ди Ришат Шәүкәт улы.
- Бердәм буларак эшләүче профессиональ команда катнашында гына яман шешкә каршы көрәштә яхшы нәтиҗәләр ирешергә мөмкин.