БРКХ нейрохирурглары баш сөяге имплантын кулланып операция ясадылар
Балалар Республика клиник хастаханәсендә Чуашстаннан килгән дүрт яшьлек балага нейрохирурглар катлаулы реконструктив тыкшынуны үтәделәр. Хәзер бала үзен яхшы хис итә.
2016 елда балага РКХ (Чувашия) табиблары баш мие кан әйләнешенең кискен бозылуы аркасында, беренчел оператив тыкшынуны ясый. Шунысын да билгеләп үтәргә кирәк, пациентның әле балачагында ук гемофилия (B тибы) сирәк очрый торган авыру ачыкланган, бу авыру нәтиҗәсендә буыннарга, мускулларга һәм эчке органнарга кан савырга мөмкин, бу кинәт һәм җәрәхәтләнү нәтиҗәсендә килеп чыга ала. Бу теләсә кайсы хирургик дәвалауны шактый катлауландыра.
Хирургик дәваланганнан соң, кечкенә пациент яшәү урыны буенча гематолог һәм нейрохирург табибларында күзәтелә. Казанда Балалар Республика клиник хастаханәсендә беренче тапкыр бала 2020 елның җәендә була. Берничә диагностик чаралар һәм планлы госпитализацияләрдән соң, БРКХ нейрохирурглары, имплант урнаштыру ярдәмендә, баш сөяге дефектын пластикасы турында карар кабул итә. Югары бәйләнешле вак куышлык белән бергә үрелеп барган аерым химик состав күзәнәкләрне биокерамик материал белән тиз колонизацияләү процессы исәбенә остеоинтеграцияләү процессында һәм сөяк тукымасын регенерацияләүгә ярдәм итү һәм имплантатны неоваскуляризацияләүгә ярдәм итү максатыннан кирәкле биологик стимулларны активлаштыруда хәлиткеч роль уйный.
Пациентның нәсел авыруы булуын исәпкә алып, дәвалау курсы оператив тыкшынуга кадәр дә, аннан соң да Республика балалар клиник хастаханәсенең онкогематология бүлеге коллегалары белән тыгыз элемтәдә узды. Коагулопатияне коррекцияләү табиб-нейрохирургларга авыр реконструктив тыкшынуны башкарырга мөмкинлек бирде.
Шунысын да билгеләп үтәргә кирәк, әлеге пациентка «Линия жизни» хәйрия фонды зур ярдәм күрсәткән, аның ярдәмендә имплант сатып алынган. Операция уңышлы узды, бала үзен яхшы хис итә һәм хәзер гаиләсенә кайтты.