Яр Чаллыда республиканың шәфкать туташлары өчен укыту семинары узды
Кама балалар медицина үзәгендә видеоконференция режимында шәфкать туташлары өчен «COVID-19 пандемиясе чорында медицина персоналының психоэмоциональ фоны» темасына республика семинары узды. Семинарны ТР Сәламәтлек саклау министрлыгының баш шәфкать туташлары советы һәм республиканың Шәфкать туташлары ассоциациясе оештырды. Семинар эшендә Яр Чаллы һәм республиканың төньяк-көнчыгыш төбәгенең медицина оешмалары хезмәткәрләре катнашты.
ТР ССМ Яр Чаллы шәһәре Сәламәтлек саклау идарәсенең шәфкать туташлары белән эшләү буенча баш штаттан тыш белгече, 3нче номерлы Балалар шәһәр сырхауханәсенең баш шәфкать туташы Эльвира Кустовская семинарда катнашучыларга сәламләү сүзендә семинар темасының актуальлеген ассызыклады. Ул билгеләп үткәнчә, пандемия чорында медицина персоналының профессиональ яну һәм депрессив һәм шомлану халәте үсеше куркынычы сизелерлек арта.
Яр Чаллы шәһәре дәвалау-профилактика оешмаларының Шәфкать туташлары, психологлары, фельдшерлары арасыннан чыгыш ясаучылар үз нотыкларында психоэмоциональ фон, психологик проблемалар, пандемия чорында медицина хезмәткәрләренең эмоциональ януын профилактикалау буенча чаралар кебек темаларны ачтылар. Моннан тыш, пандемия чорында госпитальнең, сырхауханәнең амбулатор хезмәтенең беренчел звеносы персоналының үз ДПО мисалында эшен оештыру тәҗрибәсе белән уртаклашты.