Туберкулез белән авыручыларның яртысыннан артыгы гадәти терапиягә бирешми

2021 елның 25 марты, пәнҗешәмбе

Татарстанда туберкулез белән авыручыларның яртысыннан артыгы күп санлы дару тотрыклылыгы булган авыру формасыннан җәфа чигә. Бу хакта «Татар-информ» мәгълүмат агентлыгында узган матбугат конференциясендә Республика клиник туберкулезга каршы диспансерның баш табибы Алексей Алексеев сөйләде.

Әгәр пациентлар тиешенчә терапия узмаса: өзә һәм аннары яңадан аңа кайта, пациентларның дару препаратларына тотрыклылыгы барлыкка килә. Шулай ук баштан ук туберкулезның даруларга бирешми торган формасы белән дә йогышланырга мөмкин — мондый кешеләргә икеләтә бәхет елмаймый.Мондый пациентлар микобактерияләренә ким дигәндә, ике куәтле туберкулезга каршы препарат: изониазид һәм рифампицин тәэсир итми.