Кайбер бөер авырулары яшерен үтә
Нефрологлар бөер эшчәнлеген тикшерә һәм бу органнар авыруларын дәвалый. Алар авыру сәбәпләрен ачыклый, авыруларны диагностикалый, терапияне һәм профилактика методларын язып бирә, авыруның агышын контрольдә тота. Түбән Кама РҮХдә бу катлаулы эш белән терапия бүлегенең табиб-нефрологы Омар Гусейнов шөгыльләнә.
Без Омар Магомедсәидович белән аралаштык, һәм табиб безгә үз эшенең нечкәлекләре турында сөйләде.
Эш турында.
- Хәзер бөер авырулары: пиелонефрит, нефрит белән пациентлар күп. Алар арасында шикәр диабеты булган пациентлар да бар, аларда вакыт узу белән бөерләрдә проблемалар килеп чыга, гипертоникалар да очрый. Шулай ук, бөерләрне кан белән тәэмин итүгә бәйле проблемалары булган атеросклеротик генез проблемалары булган яшь пациентлар да бар.
Хәзер бу авырулардан интегүче яшьләр дә аз түгел. Сәбәпләре күп: анатомик үзенчәлекләре, кызларда гинекология характердагы авырулар белән бергә бөер авырулары да мөмкин. Пиелонефритлар беренчел һәм икенчел - мәсәлән, ревматоид артрит фонында, булырга мөмкин. Наследственный патология, бөерләрнең поликистоз авыруы, Альпорт синдромы булган пациентлар да бар.
Авыруны кисәтү турында
- Бөтен кешегә, ким дигәндә, диспансер тикшерүләре узарга, бәвел анализын бирергә киңәш итәм. Бу анализ организмдагы үзгәрешләрне күрергә ярдәм итәчәк. Мәсәлән, бәвелдә аксым булуы бөердә проблемалар башлануы турында билге булырга мөмкин. Гипертониядән җәфа чигүчеләргә кан басымын күзәтеп торырга кирәк, бу шулай ук бөерләр ягыннан билге булырга мөмкин. Табибка вакытында мөрәҗәгать итмәү пациентны гемодиализга китерергә мөмкин. Истә тотыгыз, бөерләрнең кайбер авырулары яшерен үтә.
Һәм, әлбәттә, иң төп киңәш - сәламәт яшәү рәвеше алып бару. Барыгызга да нык сәламәтлек телим!