Кама балалар медицина үзәгендә 2024 елга кадәр күмәк килешү кабул иттеләр
Кама балалар медицина үзәгендә 2021-2024 елларга күмәк шартнамә турында фикер алышу һәм кабул итү буенча конференция утырышы булды.
Конференция эшендә сәламәтлек саклау хезмәткәрләре профсоюзының Яр Чаллы шәһәр оешмасы җитәкчесе Любовь Ховрычева, КБМҮнең баш табибы Марат Насыйбуллин, баш табиб урынбасарлары һәм структур бүлекчәләр җитәкчеләре һәм КБМҮнең хезмәткәрләре катнаштылар.
Күпчелек тавыш белән конференцияне алып бару башлангыч профсоюз оешмасы рәисе Лариса Кашаповага йөкләнде.
Көн тәртибенә 2020 елда профком эше нәтиҗәләре турында хисап, килешүгә кертелә торган үзгәрешләр һәм тәкъдимнәр турында белдерү һәм фикер алышу кертелгән иде.
2020 елда профком рәисе Лариса Кашапова тарафыннан башкарылган эшләр турындагы хисап нигезендә, профсоюз әгъзалыгы дәрәҗәсе 2 ел дәвамында бер дәрәҗәдә саклана. 2020 елда 74,6 % тәшкил иткән. 2020 ел дәвамында профсоюзга 132 хезмәткәр керде.
Авыр хәлгә карамастан, 18 хезмәткәр профсоюз санаторийларында дәвалана алды. Агымдагы елның 4 аенда инде 20 хезмәткәр дәваланган, 6сы җәйгә шифаханә броньлаган. Сочида һәм Кавказ шифаханәләрендә ял итәргә теләүчеләр саны арта, моңа Мир картасы белән түләгәндә кэшбек юлы белән юллама бәясенең 20% ы кире кайтарыла.
Шулай ук профсоюз әгъзаларына Казан ш. МЧС санаторийына бушлай юллама алу мөмкинлеге дә бар.
Коллектив килешү нигезендә, 2020 елда 4 пенсионер Жемчужина шифаханәсенә бушлай юлламалар алган. Быел анда 6 хезмәткәр дәваланачак.
23 бала Җиңү көненә, ТАССРның 100 еллыгына һәм КамАЗның 50 еллыгына багышланган балалар рәсеме конкурсында катнашты. Барлык катнашучыларга да дипломнар һәм татлы бүләкләр тапшырылды. Алты бала шәһәр бәйгесендә призлы урыннар алдылар.
Узган ел шәһәр читендәге лагерьларда 20 хезмәткәр баласы ял итә алды. 38 беренче сыйныф укучысына 1000 сумлык канцтоварлар кибетенә бүләк сертификатлары тапшырылды.
Пандемиягә кадәр "Россия Чаңгы юлы"нда катнаштык, һәм өстәл теннисы буенча турнир үткәрдек.
Ковид һәм пневмония белән авырган хезмәткәрләргә матди ярдәм күрсәтелде. Шулай ук КБМҮгә шәхси саклану чаралары, дезинфекция чаралары һәм контактсыз термометрлар тапшырылды.
Акчаларның күп өлеше якын туганнарын күмүгә бәйле рәвештә матди ярдәм түләүгә киткән.
2020 елда хезмәткәрләрнең 132 мөрәҗәгате булган. Барлык мәсьәләләр дә хакимият белән берлектә каралды һәм, кирәк булганда, коллективлар белән очрашулар үткәрелде, аларда үзләрен кызыксындырган сораулар буенча аңлатмалар бирелде.
Агымдагы елда профсоюз комитетының профсоюзга керүне мотивацияләү, мәдәни-массакүләм һәм спорт-сәламәтләндерү эшен оештыру, барлык дәрәҗәләрдә мәгълүмати сәясәт һәм социаль партнерлыкны үстерү буенча яңа планнары бар.
Профком рәисе күмәк килешү пунктларын үтәүгә һәм игълан итүгә җентекләп тукталды. Ул хәбәр иткәнчә, 2020 елга Күмәк килешү буенча йөкләмәләр 100 % ка үтәлгән. Коллектив шартнамә нигезендә, җирләүгә, юбилейга, яшь табибларга бер тапкыр бирелә торган ярдәмгә, табибларга ай саен бирелә торган торак өчен түләү, армиягә озату, «әни көне», никахлашу көннәре, донор көннәре, туганнарының вафатына бәйле көннәр өчен акча, хезмәткәрләрнең укучы ялларын түләү, хезмәтне саклау өчен акча бүлеп бирелде. Хезмәт шартларын махсус бәяләү тулы күләмдә башкарылган.
Коллективка кертелә торган үзгәрешләр турында фикер алышу барышында тавыш бирү үткәрелде. Хезмәткәрләргә өстәмә ташламалар һәм гарантияләр бирә торган барлык пунктлар да бертавыштан кабул ителде.
Утырышта катнашучылар карары белән, игълан ителгән үзгәрешләрне исәпкә алып, 2021 – 2024 елларга күмәк килешү кабул ителде.
Утырыш ахырында сәламәтлек саклау хезмәткәрләре профсоюзларының Яр Чаллы шәһәр оешмасы рәисе Любовь Ховрычева КБМҮнең профсоюз комитеты эшчәнлегенә югары бәя бирде һәм КБМҮнең баш табибы Марат Насыйбуллинга һәм социаль партнерлык өчен беренчел профсоюз оешмасы рәисе Лариса Кашаповага рәхмәт белдерде.