ЯҢАЛЫКЛАР

Яр Чаллының 3нче номерлы Шәһәр сырхауханәсендә гражданнарда остеопорозны ачыклауга һәм риск төркемен билгеләүгә юнәлдерелгән «Остеоскрининг» акциясе узды. Тикшерү кысаларында акциядә катнашучылар рентген денситометрында диагностика уздылар, хирург, гинеколог һәм терапевт консультацияләрен алдылар. Акциядә 38 кеше катнашты, шулардан 8ендә диагноз расланды, 11ендә авыруның клиник билгеләре ачыкланды.

БРКХ офтальмология бүлегенең табиблары катлаулы реконструктив операцияләр уздырдылар. Мастер-классны академик С. Н. Федоров ис. «Күзләр микрохирургиясе» Тармакара фәнни-техник комплексының (Мәскәү шәһәре) реконструктив-торгызу һәм пластик хирургия бүлеге мөдире, профессор Михаил Герман улы Катаев үткәрде. Операцияләрне күзнең өстәмә аппаратының тумыштан килгән аномалияләре, күз кабагының птозы һәм параорбиталь өлкәнең җөйле пешкәннән соң тиренең деформацияләре белән булган кечкенә пациентларга уздырдылар.

2018 елның 29 сентябрендә Россия Сәламәтлек саклау министрлыгының Казан дәүләт медицина университетында "Сәламәтлек саклауда менеджмент" дигән Сәламәтлек саклау өлкәсендә идарә кадрларын хәзерләүнең Президент программасы тыңлаучыларының унберенче чыгарылышы булды. Президент программасын тәмамлаучыларга дипломнар тапшыру тантанасында Россия Сәламәтлек саклау министрлыгының Казан ДМУ ректоры А. С. Созинов, ТР сәламәтлек саклау министрының беренче урынбасары С. А. Осипов, ТР икътисад министры урынбасары А. Д. Шәмсиев катнаштылар.

«Мәгариф шешләргә каршы» мәгълүматый кампаниясе чикләрендә 6 октябрьдә Әлмәттә һәм 7 октябрьдә Яр Чаллыда күкрәкнең яман шешен  иртә диагностикалауның мөһимлеге турында хатын-кызларның хәбәрдарлыгын арттыруга юнәлдерелгән #МИНУЗДЫМ (#ЯПРОШЛА) социаль акциясе оештырылачак.

2018 елның 4 октябрендә Татарстанның башкаласында «Хәзерге заман инженер системалары. Сәламәтлек архитектурасы. (Modern Engineering System – MES)» дигән фәнни-гамәли конференция узачак.

2018 елның 1 октябреннән башлап 10на кадәр 1 октябрьдә –  Өлкән кеше көненә Татарстан Республикасында «Онкология авыруларының профилактикасы» тематик ункөнлеге уздырыла. Онкология үчетында Россиядә 2,5 млн артык кеше тора. Безнең илдә халыкның үлем саны сәбәпләре арасында шешләр икенче урында тора. Онкология авыруларының таралуына экология хәле, яшәү рәвеше, генетик факторлар тәэсир итәләр. Яман шеш үсешенә ашау характерының чагыштырма авырлыгы 30 башлап 35%ка кадәр, тәмәке тартуның – 30%, йогышлы (вируслы) агентларның – 17%, алкогольнең – 4%, әйләнә-тирә мохит пычрануының – 10%, авырлыклы мираслылыкның – 2%, башкаларның – 2% тәшкил итә. Бу факторларның тәэсирен бердәмлектә бәяләргә кирәк.

«ТКҮКПХ» ДАССУдә янгын килеп чыккан очракта кешеләрне эвакуацияләү һәм хастаханә персоналының гамәлләрен эшләп өйрәнү буенча кинәт күнекмәләр узды.

1 октябрьдә «Бердәм Россия» Яшь гвардиясе әгъзалары һәм Яшел Үзән медицина училищесы студентлары Яшел Үзән ҮРХнең ветераннар бүлегенә килеп киттеләр һәм пациентларны өлкәннәр көне белән, шулай ук бүлек коллективын 10-еллык юбилее белән котладылар. Ел саен бүлектә 700дән артык ветеран медицина ярдәмен ала. Яшел Үзән ҮРХдә өлкән яшьтәге пациентлар янына бару яшь буын өчен күркәм традициягә әверелде, ул шәхси үрнәк итеп әби-бабайларга, хезмәттәшләренә, үз Ватанына мәхәббәт хисләрен тәрбияләүчеләргә хөрмәт йөзеннән уздырыла.  

РКХнең Консультатив сырхауханәсендә үз хезмәткәрләре өчен бәйрәм оештырылды, анда күп еллар һәм дистә еллар Республика клиник хастаханәсендә эшләгән һәм хәзер дә эшләүче бүлек җитәкчеләренең, табибларның, өлкән һәм шәфкать туташларының очрашуы булды. Бәйрәм белән үз коллективын РКХнең сырхауханә эше буенча баш табиб урынбасары Айрат Сәйфулла улы Хәйруллин котлады. Очрашу җылы атмосферада узды һәм сырхауханәнең бөтен составы белән җыелырга менә дигән сәбәп булды.

БРКХ белгечләре делегациясе Шаньдун Университетының Балалар клиник хастаханәсенә килеп киттеләр, анда аларга дәвалау бүлекләре, эпилепсия үзәге, яңа туган һәм җитлекми туган балаларның интенсив терапиясе һәм патологиясе бүлеге, реабилитация һәм башлангыч торгызуда катнашу бүлеге күрсәтелде.