ЯҢАЛЫКЛАР

Түбән Каманың 1нче номерлы сырхауханәсендә Өлкән кешеләр көнен билгеләп үттеләр.  Лаеклы ялга киткән Түбән Кама хастаханәсенең хезмәткәрләрен котлаганда, 1нче номерлы сырхауханәнең мөдире Розалия Хәйруллина билгеләде: шундый бәйрәмнәр – ул сырхауханәгә сәламәтлеккә шикаять белән килергә сәбәп түгел, ә коллегалар белән очрашырга, аралашырга, кайчандыр эшләгән кабинетларга кереп китергә сәбәп. Өстәвенә мондый очрашулар табибларның яңа буыны өчен бик файдалы, чөнки 1нче номерлы сырхауханәнең коллективы остазлыкны һәм тәҗрибәгә хөрмәтне һәрчак сәламләде.

БРКХ нейрохирурглары – нейрохирургия бүлеге мөдире, м.ф.к. Владимир Станислав улы Иванов, бүлекнең табиблары, м.ф.к. Эльза Фагил кызы Фатыйхова һәм Дамир Искәндәр улы Абдуллин 18.09 башлап 22.09 кадәр Санкт-Петербург шәһәрендә узган VIII Россия нейрохирурглары съездында актив катнаштылар. Владимир Станислав улы Иванов, Идел буе Федераль округында балалар нейрохирургик хезмәт өчен җаваплы баш белгеч буларак, балалар  нейрохирургиясе турында утырышта рәистәш булып кына калмыйча, «Нейрохирургия» юнәлеше буенча балаларга медицина ярдәмен күрсәтү тәртибе турында» Россия Федерациясе Сәламәтлек саклау министрлыгы боерыгын формалаштыруда да катнашты. Утырыш барышында Эльза Фагил кызы Фатыйхова фармакототрыклы эпилепсия белән балаларны дәвалауда бүлек эшенең тәҗрибәсен коллегалары белән уртаклашты; Дамир Искәндәр улы Абдуллин ике доклад хәзерләде: беренчесе – бүлектә уздырылган краниосиностозлар булган балаларның баш сөягендә реконструктив операцияләр турында, икенче доклады гидроцефалиягә ( ми тартмасына су җыелу), атап әйткәндә шунтлаучы системаларны имплантацияләү буенча егерме елга якын тәҗрибәгә багышланды.

Россиядә грип һәм КРВЙ (ОРВИ) белән авыручылар саны атна эчендә 42 процентка артты. Сәламәтлек саклау министрлыгының мәгълүматлары буенча, беренче чиратта бу мәктәп укучыларына кагыла. Авырудан яклауның төп ысулы – вакцинация, дип медиклар искә төшерәләр.

«Чистай үзәк район хастаханәсе» ДАССУдә медицина персоналының Чистай муниципаль районы Терроризмга каршы комиссиясе карамагындагы мәгълүмати-пропаганда төркеменең әгъзалары белән очрашу булды.

Удмуртиядән делегация Яр Чаллы шәһ. Ашыгыч медицина ярдәме хастаханәсенә килеп китте. Республиканың баш табиблары һәм өлкән шәфкать туташлары күп профильле стацианарда халыкара стандартлар кертү тәҗрибәсе белән таныштылар. Очрашу барышында сыйфатны һәм медицина эшчәнлегенең куркынычсызлыгын эчке тикшерүне оештыру буенча һәм менеджмент системасын кертү буенча мәсьәләләр турында фикер алышынды. Делегатлар АМЯХ хезмәткәрләренең эшен югары бәяделәр һәм җылы кабул итү өчен рәхмәтләр белдерделәр.

Балалар республика клиник хастаханәсенең Мобиль сәламәтлек үзәге Татарстан районнары буенча күчмә медицина карап тикшерүләренең сериясен башлады. Беренче тукталыш Алексеевск районының Биләр шәһ. булды. Педиатр, офтальмолог, невролог, эндокринолог, кардиолог һәм УТТ табибын керткән күчмә бригадасы 150 бала карап тикшерде. Белгечләр сәламәт яшәү рәвеше, җәрәхәтләнү профилактикасы һәм дөрес ашау буенча практик киңәшләр бирделәр

Мәскәүдә трасплантологларның IX Бөтенроссия  съездын тантаналы ачу булды. Татарстан делегация составында чарада ТР Сәламәтлек саклау министрлыгының, Республика клиник хастаханәсенең, Казан дәүләт медицина академиясенең һәм Арча үзәк район хастаханәсенең җитәкчеләре һәм белгечләре катнашты.

«Педиатрия» белгечлеге буенча лекцияләр Балалар республика клиник хастаханәсендә уздылар. Педиатрлар өчен квалификация күтәрү дәресләренең күчмә циклын  м.ф.д., «Н.И. Пирогов исемендәге РМТМУ» ЮББ ФДБББУ ӨҺББФның  сырхауханә һәм социаль педиатрия кафедрасы профессоры, РФ һәм ТР атказанган фән эшлеклесе, РФ Хөкүмәтенең Премиясе лауреаты Валерий Альбицкий уздырды. Лекцияләр вакытында балаларда иммунопрофилактика һәм вакцинопрофилактика турында, көнүзәк мәсьәләләр, социаль педиатрия мәсьәләләре һәм аларны чишү юллары турында фикер алыштылар.

Казан дәүләт медицина университеты Әлмәт медицина профилактикасы үзәге һәм Әлмәт муниципаль районы буенча Сәламәтлек саклау идарәсе белән бергәләшеп медицина югары уку йортларының тәмамлаучылары өчен «Яшь табиб» проектын җибәрделәр.  Проект кысаларында КДМУ дәвалау һәм педиатрия факультетының  6 курс студентлары шәһәрнең медицина учреждениеләренең: перинаталь үзәк белән Әлмәт балалар шәһәр хастаханәсе сырхауханәсенең, «Татнефть» ААҖ медсанчастенең һәм  Республика онкология диспансеры филиалының эше, белән таныштылар.

«Стоматологик авыруларның профилактикасы үсешенең перспективалары: мәсьәләләр һәм аларны чишү юллары» дигән фәнни-гамәли конференция Яшел Үзән үзәк район хастаханәсе җирлегендә үтте. Табиблар-стоматологлар балаларның да, өлкәннәрнең дә стаматологик авыруларын профилактикалау буенча лекцияләрне тыңладылар.