ЯҢАЛЫКЛАР

Бүген ТР сәламәтлек саклау министры Марат Садыков РФдә Һиндстан Илчелегенең вәкилләре белән очрашты. Ведомство башлыгы билгеләп үткәнчә, Татарстан белән Һиндстан арасында турыдан-туры медицина белән бәйле төрле юнәлешләрдәге тыгыз хезмәттәшлек бара. Россия-һиндстан мөнәсәбәтләре фармация, иң яңа медицина технологияләре, медицина туризмы, шулай ук кадрлар хәзерләү өлкәсендә үсеш алалар. Министр ассызыклаганча, Татарстанның сәламәтлек саклавы медицина үзәкләренең, фармацевтика кластерларының төзелеше буенча үзара хезмәттәшлеккә әзер һәм ачык. 

Шри-Ланкадан делегация Татарстанның эре клиникаларында: ТР ССМ РКХ һәм “РКДҮ” ДАССУ булып китте. Казанга килделәр: трансплантолог-хирург, университет профессоры Wijeyaratne Mandika, эндокринолог, шриланка табиблары ассоциациясе башлыгы Wijeyaratne Chandrika, Бөекбритания интернатурасында укуны тәмамлаучы Wijeyaratne Lihini, шулай ук яшь белгечләр/интерннар - Wijeyaratne Manuk, Garaeva Indira һәм Karunaratha Nathasha. Кунаклар ТР Сәламәтлек саклау министрлыгының эшләр идарәчесе И. А. Айзетуллов озатуында килделәр.

Татарстан Республикасында «Сәламәт киләчәк» федераль партия проектын томышка ашыру кысаларында Иҗтимагый Совет булдырылды. Аны җиденче чакырылыш Россия Федерациясе Федераль Собраниесенең Дәүләт Думасы Депутаты, бюджет һәм салымнар буенча ДД комитеты әгъзасы Айрат Зәки улы Фәррахов җитәкләде.

Совет составына җәмәгать эшлеклеләре, ведомстволар вәкилләре, эшмәкәрләр керделәр. Балалар республика клиник хастаханәсеннән Совет составында баш табиб Зыятдинов Айрат Илгизәр улы һәм оештыру-методик эш буенча баш табиб урынбасары  Мостафаева Альмира Әнәс кызы булдылар. Иҗтимагый Совет тикшеренү, фәнни, проектлау, мәгълүмати һәм эшчәнлекнең башка төрләрендә булышлык күрсәтүче эксперт органы булып тора.

Казанда «Туберкулезны дәвалауның һәм диагностикалауның хәзерге заман аспектлары» дигән халыкара катнашуы белән Республика фәнни-гамәли конференциясе узды. Конференция эшендә 200 гә якын катнашучы – Россия Федерациясенең һәм Идел Буе Федераль округының, Беларусь Республикасының фтизиатрия буенча әйдәп баручы белгечләре, туберкулезга каршы эш өчен җаваплы табиб-фтизиатрлар, терапевтлар, педиатрлар, гомуми практика табиблары, белгечләр, катнаштылар. 

Алабуга үзәк район хастаханәсенең медицина профилактикасы кабинетының белгечләре «Космос» һәм «Яшь төзүче» балалар сәламәтләндерү лагерьларындагы балалар янында булдылар, анда алар ни өчен сәламәт яшәү рәвеше алып барырга мөһим икәнлеге турында сөйләделәр. Табиблар эчкечелекне һәм наркоманияне профилактикалау, туберкулезны профилактикалау турында сүз кузгаттылар. Моннан тыш, балаларга профилактик видеороликлар күрсәттеләр һәм тәмәке тартуның зыяны, дөрес  туклану һәм сәламәт яшәү рәвеше турында мәгълүмати буклетлар тараттылар.

Яр Чаллы шәһәренең Ашыгыч медицина ярдәме хастаханәсе белгечләре Омск өлкәсеннән килгән коллегалары белән тәҗрибәләрен уртаклаштылар. Омск өлкәсе сәламәтлек саклау министрының беренче урынбасары Дмитрий Вьюшков, №9  Клиник медицина-санитария бүлегенең баш табибы Юрий Шаповалов, №1 ашыгыч медицина ярдәменең ДКХ баш табибы Александр Мураховский, Омск ДМУ неврология кафедрасының мөдире, профессор Алексей Рождественский эш визиты белән Татарстанга килеп киттеләр. Визит барышында делегация әгъзалары Яр Чаллы шәһ. АМЯХ  Кан тамырлары үзәгенең эшен оештыру тәҗрибәсен өйрәнделәр. Кунаклар кабул итү-диагностикалау бүлеге белән таныштылар, пациентлар тарафыннан диагностик тикшеренүләрне узуларның алгоритмын һәм баш мие кан әйләнешенең кискен бозылуы белән авыручылар өчен неврология бүлегенең эшен өйрәнделәр.

Атна эчендә Казанның ашыгыч ярдәм хезмәте табиблары 6878 тапкыр кешеләрне коткарырга чыктылар, алардан җәмәгать урыннарына – 1586 чакыру. Бәхетсезлек очракларына табиблар 1161 тапкыр чыктылар, шул санда юл-транспорт һәлакәте урыннарына – 46 тапкыр. Шул ЮТҺдә 41 кеше зыян күрде, 18 кеше дәвалау учреждениеләренә китерелде. Янгыннарга табиблар 16 тапкыр чыктылар. Бала табуларга Казанның Ашыгыч медицина ярдәме станциясеннән табиблар 73 тапкыр чыктылар. Төрле авырулар буенча 5041 чакыру башкарылды, алар арасында көчле миокард инфаркты – 46, баш мие кан әйләнешенең кискен бозылуы – 177.

Татарстан Республикасы сәламәтлек саклау министры Марат Садыйков FIFA 2018 футбол буенча Дөнья чемпионатын оештыруда һәм уздыруда  катнашкан медицина хезмәткәрләренә һөнәри хезмәтләре өчен рәхмәт белдерде. Тантаналы чара  Республика клиник хастаханәсе каршындагы AMTEC KAZAN Югары медицина технологияләренең мәгариф үзәгендә узды. Рәхмәт хатлары белән 270 табиб һәм медицина хезмәткәре билгеләп үтелде.

Татарстан Республикасының сәнәгать һәм сәүдә министрлыгында медицина туризмына багышланган киңәшмә узды. Видеоконференция катнашучылары булып Чехия, Үзбәкстан, Кырым, Башкортстан, Мәскәү, Санкт-Петербург, Екатеринбург, Саратов, Казан һәм Түбән Новгород вәкилләре тордылар. ТР сәнәгать һәм сәүдә министры урынбасары Герман Лернер конференция рәисе булды.   Конференциядә Балалар клиник хастаханәсе вәкилләре –  тышкы үсеш буенча баш табиб урынбасары Алла Гомәрова  һәм ТР ССМ хирургик ярдәм буенча баш табибы урынбасары, баш штаттан тыш балалар хирургы Владимир Филатов катнаштылар.

Бүген «Татарстан Республикасының Медицина туризмы» проектын гамәлгә ашыру максатыннан туризм буенча ТР Дәүләт комитеты Рәисе Иванов Сергей Евгений улы, туризм индустриясенең үсеше бүлеге башлыгы Софьина Анастасия Валерий кызы, Әзербайҗан республикасында ТР даими вәкиле Закиров Альфред Фирдаус улы җитәкчелегендә Татарстан туроператорларының вәкилләре  делегациясе Балалар республика клиник хастаханәсендә булдылар.