ЯҢАЛЫКЛАР
Казан дәүләт медицина университеты һәм Казан шәһ. Вахитов районының 116 нчы номерлы Лицейы 10 нчы профильле медицина классында укытуга җыю турында игълан иттеләр. Тулырак мәгълүматны КДМУ югары уку йортына кадәр белем бирү бүлегенең телефон номеры буенча белергә була: 8 (843) 236-13-51, Юлия Валентин кызы Пухова. Шулай ук 116 нчы Лицейның телефон номерлары буенча шалтыратырга була: 8 (843) 238-39-48, 238-35-86.
«Хосписны бергә төзибез» хәйрия акциясендә татарстан медиклары республиканың Сәламәтлек саклау министрлыгының хезмәткәрләре һәм җитәкчелеге катнаштылар.
Мамадышта Шәһәр көненә багышланган бәйрәм чарасында йөрәк-кан тамырлары авыруларын профилактикалау буенча «Сәламәтлек почмагы» акциясе узды. Акция кысаларында барлык теләүчеләр үзләренең артериаль кан басымнарын үлчәтә, инсультның һәм инфарктның килеп чыгу куркынычын билгели һәм медиклар консультациясен ала алдылар.
«Студенческая» сырхауханәсенең медиклары тарафыннан 5 500 артык казан студентына прививка ясалды. Вакцинацияләү «Студенческая» 4 нче номерлы шәһәр сырхауханәсе» ДАССУдә, шулай ук 12 000нән артык студент яши торган Универсиада Авылында үткәрелә.
Чүпрәле районының Кече Уби саласында яңа фельдшер-акушерлык пункты ачылды. Тантаналы чара Республика көнен һәм районның барлыкка килүен бәйрәм итү кысаларында узды. Авыл халкы өчен яңа ФАПның ачылуы әһәмиятле вакыйга булды. Ачылу белән аларны РФ Дәүләт думасы депутаты Илдар Гыйлметдинов, ТР Дәүләт советы депутаты Ринат Гайзатуллин, Чүпрәле районы башлыгы Александр Шадриков котладылар.
Ел саен уздырыла торган «Мәктәпкә җыенырга ярдәм ит» хәйрия акциясе кысаларында Тәтеш үзәк район хастаханәсендә яшь укучыларга тантаналы рәвештә бүләкләр тапшырдылар. Унбиш хастаханә хезмәткәрләренең балалары комплектланган портфельләр һәм татлы ризыклар алдылар.
Татарстанда гражданнарның сораулары, шикаятьләре һәм тәкъдимнәре буенча «Халык контроле», ТР Сәламәтлек саклау министрлыгының бердәм тәүлек буе эшли торган «кайнар элемтә» телефоны, шулай ук ТР Сәламәтлек саклау министрлыгы сайтының «Гражданнар мөрәҗәгатьләре» бүлегендә интернет-кабул итү бүлмәсе эшли.
Балалар республика клиник хастәханәсеның онкогематология бүлегендә Белем көненә багышланган бәйрәм булды. Балалар республика клиник хастәханәсенең кечкенә пациентларының Казан шәһәре Идел Буе районының Мәктәптән тыш эшләр үзәге артистларының күңелле җырлары, конкурслары һәм чыгышлары белән күңелләрен күтәрделәр.
Бүген Түбән Кама буенча «Сәламәтлек трамвае» йөрде, анда һәр теләүче үз организмның хәлен тикшерә алды. Түбән Камада торучылар артериаль кан басымын үлчи, шулай ук артериаль канның кислород белән туендыру дәрәҗәсен бәяли алдылар.
Казан шәһ.18нче номерлы Үзәк шәһәр клиник хастаханәсе югары технологияле медицина ярдәмен күрсәтүгә Росздравнадзор лицензиясен алды. Тантаналы шартта хастаханәнең баш табибы Ринат Җәләлдиновка ТР буенча сәламәтлек саклау өлкәсендә күзәтү буенча Федераль хезмәтнең территориаль органы җитәкчесе Рөстәм Сафиуллин лицензияне тапшырды.