ЯҢАЛЫКЛАР

Белем көнендә КДМУның тантаналы линейкасы узды. Булачак табибларны котларга Сәламәтлек саклау министрының беренче урынбасары Сергей Осипов, Казан дәүләт медицина университеты ректоры Алексей Созинов килде.

Бүген югары медицина технологияләренең Мәгариф үзәгендә баш сөяге нигезе һәм гипофизар чокырының иң кыска инвазия хирургиясе техникасын өйрәнү буенча икенче гамәли мәктәп ачылды.

Бүген капиталь ремонттан соң тантаналы рәвештә Әлмәт шәһәре балалар сырхауханәсе ачылды. Ачу тантанасында Татарстан Республикасы Президенты Рөстәм Миңнеханов, Татарстан Республикасы Сәламәтлек саклау министры Адел Вафин, Әлмәт муниципаль районы башлыгы Айрат Хәйруллин һәм башка рәсми затлар катнашты.

Бүген Түбән кама үзәк район күп профильле хастаханәсенең баш табибы Хәбибулла Әхмәдов медицина учреждениенең хезмәткәрләре һәм аларның балалары белән очрашты, шул балаларга Белем көне алдыннан бүләкләр тапшырдылар. Исегезгә төшерәбез, «Мәктәпкә җыенырга ярдәм ит!» хәйрия акциясе  аз керемле гаиләләргә һәм авыр тормыш хәленә эләккән гаиләләргә ярдәм итү максаты белән уздырыла.

Түбән Камада шәһәрнең шәһәр төзүче предприятиеләрнең, муниципаль учреждениеләрнең җитәкчеләре катнашуы белән санитар-эпидемиягә каршы комиссия узды. Чара уздыруның максаты – Түбән Кама районы халкына грипптан каршы вакциналаштыру буенча кампания үткәрү турында предприятие җитәкчеләренә белдерү.

Казан Кремленең Пушечный ишегалдында Россия Федерациясенең һәм Татарстан Республикасының дәүләт бүләкләрен тапшыруның тантаналы церемониясе узды. Чарада Татарстан Республикасы Президенты Рөстәм Миңнеханов катнашты.

КФУның медицина-санитар өлешендә Татарстан Республикасы Медицина учреждениеләренең җитәкчеләр советының утырышы узды. Утырыш эшендә Татарстан Республикасы сәламәтлек саклау министры Адел Вафин, Казан федераль университетының ректоры Илшат Гафуров, Татарстан Республикасы медицина учреждениеләренең җитәкчеләре һ. б. катнаштылар.

ТР сәламәтлек саклау министры Адел Вафин һәм Бөгелмә районы башлыгы Линар Закиров Спасс авылында фельдшер-акушерлык пунктының һәм Бөгелмә районы Плодопитомник поселогының 50 урынлы авыл мәдәният йортының тантаналы ачылуында катнаштылар. Тантаналы чаралар Татарстан Республикасы көнен һәм Бөгелмәнең Шәһәр көнен бәйрәм итү кысаларында уздылар.

Грипп белән һәм кискен респиратор вируслы авырулар (КРВА) белән авыручылар саны бөтен калган йогышлар буенча суммар күрсәткечтән артып киткән. Грипп эпидемиясе вакытында грипп һәм КРВА өлешенә вакытлыча хезмәткә яраксыз булу очракларының 10-15 проценты туры килә, ә елның калган вакытына – барлык йогышлы патологиянең 80 процентыннан артыгы.

Яшел Үзән ҮРХнең 2 нче номерлы хирургия бүлегендә ике ай дәвам иткән ремонт эшләре төгәлләнде. Бүлектә зур үзгәрешләр булган – бина яктырды һәм ямьләнде. Пациентлар һәм персоналның эше өчен уңайлы шартлар булдырылды. Палаталарда, коридорларда, санитар бүлмәләрдә ремонт үткәрелде, бина яктыртуы яңартылды, медицина постына чыгучы чакыру кнопкалары куелды, медицина мебеле һәм җиһазлары яңартылдылар. Хирургия бүлегендә пациентлар диагностика һәм дәвалау процедураларының бөтен комплексын алалар.