ЯҢАЛЫКЛАР

Хөрмәтле коллегалар! Медицина хезмәткәре көне белән чын күңелдән сезне котлыйм. Кешеләргә сәламәтлек бүләкләргә, аларның газапларын җиңеләйтергә, яхшы сыйфатлы тормышның шатлыгын кайтарырга – шушы максатлардан гуманлырак һәм күркәмлерәк юк.  Дөньяга килүнең беренче мизгеленнән табиблар кешегә игътибар һәм кайгыртучанлык күрсәтә. Беренче чакыру буенча ак халатлы кешеләр иң читен хәлләрдә безгә ярдәм күрсәтергә киләләр.  

Бүген, Медицина хезмәткәре көне алдында, министр Адел Вафин башлыгында Татарстан Сәламәтлек саклау министрлыгының хезмәткәрләре, Алексей Созинов башлыгында Казан дәүләт медицина университетының хезмәткәрләре һәм студентлары һәм баш табиб Илнур Шәрәфетдинов башлыгында медицина университеты Клиникасының хезмәткәрләре Арча зиратында медицина йолдызларының каберләрен чистарттылар. Гадәттәгечә 60 артык кабер рәтләделәр. Хөрмәтләгән шәхесләр арасында профессор С.С.Зимницкий, профессор Г.А.Клячкин, профессор Е.М.Лепский, профессор Н.И.Комаров, Шубиннар  – профессор Владимир Николай улы һәм табиб Ольга Василий кызы. Министр шушы бөек кешеләрнең каберләрен төзәтү турында карар кабул итте.

Бу елда җиңүчеләрне биш номинация буенча игълан иттеләр. Бу –  «Ел табибы»,  «Елның медицина хезмәткәре», «Беренчел буынның иң яхшы табибы», «Сәламәтлек саклау риваяте», «Уникаль очрак». Ел саен конкурста катнашырга теләүчеләр саны арта. Бу елда конкурска 146 артык гариза бирелде.

«Врач года – Ак чәчәкләр» юбилей республика конкурсының трансляциясе «ТЯГ (ТНВ)» телеканалында 18 июньдә 14.00 сәг. булачак.

Бәйрәмдә Татарстан Республикасы сәламәтлек саклау министрының беренче урынбасары Сергей Осипов, Дәүләт думасы депутаты Әлфия Когогина, Дәүләт советы депутаты Светлана Захарова, Шәһәр советы депутаты Ләлә Камалетдинова, Яр Чаллы шәһ.муниципаль берәмлеге башлыгының урынбасары Флера Андреева, Яр Чаллы шәһ. буенча Сәламәтлек саклау идарәсенең җитәкчесе Олег Сабаев катнаштылар.

«Казан» Гаилә үзәгендә табиблар династияләрен хөрмәтләделәр. Бүләкләүне Медицина хезмәткәре көненә туры китерделәр. Медицина 10 зур династия өчен тормыш эше булды. Бу гаиләләр, аларның үз белдерүләре буенча, бүтән һөнәрдә үзләрен күрмиләр дә. Шушы гаиләләрнең гомуми медицина стажы – 100 елдан артык.

Яр Чаллыда Медицина хезмәткәре көненә багышланган тантаналы чара булды. Концерт барышында Дәүләт думасы депутаты Әлфия Когогина «Иң яхшы балалар табибы-2017» халык тануы конкурсының җиңүчеләренә рәхмәт хатларын һәм премияләр тапшырды.

Әлмәт шәһ. һәм «Татнефть» ПАҖ Медсанчастендә Медицина хезмәткәре көненә багышланган тантаналы чара булды. Анда коллектив хезмәткәрләре, ветераннар, шулай ук Медсанчасть идарәсенең әгъзалары: «Татнефть» ПАҖнең ярдәмче бүлеге башлыгы Газинур Ибраһимов, Әлмәт муниципаль районы буенча Сәламәтлек саклау идарәсенең җитәкчесе Вера Головина, «Чулпан» акционер иминият компаниясенең генераль директоры Фәрит Вафин – катнаштылар.

Врач года – Ак чәчәкләр» республика конкурсының номинантларын сәламләп, сәламәтлек саклау министры Адел Вафин, һәр вакыт шундый очрашу дулкынландыргыч, дип  билгеләде. Медицина хезмәткәре көне алдында, министр һәр номинантка  аның көндәлек хезмәте өчен рәхмәт белдерде. Ул, масштаблы нәтиҗәләрне казану өчен һәр медицина хезмәткәренең һәм тулысынча һәр медицина оешманың роле әһәмиятле, дип басым ясады.

Бүген Татмедиада балалар һәм яшүсмерләр арасында җәрәһәтләр профилактикасы чараларына багышланган пресс-конференция узды. Пресс-конференциядә Балалар республика клиник хастаханәсенең баш табибы Рафаэль Шавалиев, БРКХ белгечләре, ТР буенча ЭЭМ ЮХИДИ идарәсе юл хәрәкетенең иминлеген пропагандалау бүлегенең башлыгы Дамир Бикмөхәмметов, ТР Мәгариф һәм фән министрлыгының балаларга өстәмә белем бирү бүлегенең башлыгы Жанна Соркина катнаштылар.