ЯҢАЛЫКЛАР
3нче Әлмәт шәһәр сырхауханәсендә сәламәт яшәү рәвеше һәм дөрес ашау, остеопорозны профилактикалау темасына «Пациент мәктәбе» булды.
Бүген Казанда ТР сәламәтлек саклау министры Адел Вафин «Эшмәкәрлек һәм хәкимият: чын күңелдән сөйләшү» проекты чикләрендә медицина эшмәкәрлегенең вәкилләре белән очрашты. Очрашуда 100 артык эшмәкәр катнашты.
Казан ВИЧка түләүсез тикшерү буенча Бөтенроссия акциясенә кушылды. 2016 елның августыннан башлап ноябренә кадәр ВИЧка түләүсез тикшерү буенча акция Россиянең 10 регионында уза.
Бөтендөнья сәламәт ашау көненә багышланган профилактик акция Түбән Кама политехник көллияте студентлары өчен «Медицина профилактикасы үзәге» ДАССОның хезмәткәрләре уздырдылар., Нинди яшелчә һәм җиләк-җимешләр кешенең көндәлек рационында булырга тиеш, шулай ук ничек дөрес ашарга кирәк, кайбер ашамлыкларның файдасы йәм зыяны турында үзәкнең психологы Зөльфирә Гыйльфанова сөйләде.
Балаларда стоматологик авыруларның профилактикасына юнәлтелгән «Галиҗанәп теш щеткасы» акциясе бүген Казан шәһ. 24нче номерлы балалар бакчасында узды. Нәстә ашарга файдалы һәм ничек дөрес теш чистартырга – моның турында балалар Казан шәһ. 5нче номерлы стоматология сырхауханәсе хезмәткәрләреннән һәм КДМА (балалар стоматологиясе һәм ортодонтиясе кафедрасы) ординаторларыннан белделәр.
Онкология авырулары белән көрәшү елы чикләрендә стоматология сырхауханәсе хезмәткәрләре халыкка хезмәт күрсәтү «Шәфкать» үзәгендә түләүсез тикшерү буенча акция уздырдылар.
Онкология авырулары белән көрәшү елы чикләрендә ТР ССМның Әлмәт муниципаль районы буенча Сәламәтлек саклау идарәсе шәһәрдә һәм районнарда яшәүчеләр өчен төрле акцияләр, шулай ук онкоавыруларны профилактикалау буенча очрашулар һәм йөрәкне ничек сәламәт саклау турында белгечләр консультацияләрен үткәрә.
Алабуганың бик өлкәннәр өчен интернат-йортында артериаль кан басымын тикшерүнең мобиль посты оештырылды. Алабуга РҮХнең медицина профилактикасы кабинетының белгечләре пенсионерларга артериаль кан басымын үлчәделәр, аларның 12дә күтәренке артериаль кан басымы билгеләнде.
Мәскәү өлкәсендә бөтенроссия «2016 елның урта медицина һәм фармацевтик белем белән иң яхшы белгеч» конкурсы җиңүчеләрен бүләкләүнең тантаналы церемониясе узды. Әлмәт акушеркасы Гөлинә Шатобалова «Иң яхшы акушер» номинациясендә 2 урын алды, дипломны ул РФ сәламәтлек саклау министры урынбасары Татьяна Яковлеваның кулларыннан алды.
Түбән Камада диспансеризацияне 28 мең кеше узды. Аларның яртысында төрле авырулар ачыкландылар. Артериаль гипертензия диагнозы 630 Түбән Камада торучыга куелды, диспансеризация барышында 100 пациент онкология авырулары булганын белделәр, шикәр диабеты 84 пациентта расланды.