Елына 70 меңнән артык кеше Республика офтальмология хастаханәсенә ярдәм сорап мөрәҗәгать итә
Бүген Офтальмологлар һөнәри бәйрәмнәрен билгеләп үтә. Профессор Е.В. Адамюк исемендәге Республика клиник офтальмология хастаханәсендә күпьеллык уңышлы практик тәҗрибә белән фәнни якын килүне берләштергән белгечләр эшли. Бу медицина учреждениесенә консультатив-диагностик ярдәм сорап ел әйләнәсендә 70 меңнән артык пациент мөрәҗәгать итә, кичектергесез ярдәм сорап - 33 меңгә якын кеше, стационар ярдәмне 20 меңгә якын пациент ала.
Клиниканың табиб-офтальмологлары теләсә нинди авырлыкның күз органында диагностик тикшеренүләрнең һәм операцияләрнең бөтен спектрын үткәрә. Бу - катарактаның микрохирургиясе, глаукома, витреоретиналь хирургия, оптик-реконструктив операцияләр, офтальмотравматология, күзнең лазер коррекциясе һ. б.
Табиблар күрү сәләтен саклап калу өчен гаджетлар белән эшләү кагыйдәләрен үтәргә, күзләрне артык киеренкелектән сакларга, күз гимнастикасын ясарга, начар гадәтләрдән баш тартырга, дөрес тукланырга һәм елына 1-2 тапкыр офтальмологка килергә киңәш итә.