Без үзебезгә йөкләнгән барлык җаваплылыкны аңлыйбыз, диде министр Марат Садыйков ашыгыч ярдәм станциясендә булганда
Татарстан Республикасы Сәламәтлек саклау министры Марат Садыйков бүген ашыгыч ярдәм станциясенең, шулай ук Казанның 20нче сырхауханәсенең эшен карап чыкты һәм тикшерде. Ашыгыч ярдәм станциясендә ул колл-үзәк хезмәткәрләре белән сөйләште, операторларга һәм бөтен ашыгыч ярдәм хезмәтенә төшкән зур йөкләнешне билгеләп үтте. Ә поликлиникада министр халык белән аралашты һәм җитәкчелеккә өйдә ярдәм күрсәтү мәсьәләләрен, шулай ук экспресс-тестларны һәм пцрны аерым контрольдә тотарга кушты.
"Бүген без сәламәтлек саклау системасына, шул исәптән амбулатор-поликлиника челтәренә гаять зур йөкләнешне тоябыз. Яңа штамм бик йогышлы. Шуңа бәйле рәвештә без үзебезгә йөкләнгән җаваплылыкны аңлыйбыз, кулдан килгәннең барысын да эшлибез. Кызганыч, табиблар да авырый. Шулай итеп, ашыгыч ярдәм станциясендә хезмәткәрләрнең 20 % ы хезмәткә яраксызлык битен ачкан", - дип ассызыклады министр.