"Земский доктор" программасы буенча Нурлат районына 11 белгеч җәлеп ителгән
Татарстанда эшләүче медицина хезмәткәрләренә ярдәм итү чаралары башка төбәкләрдән белгечләрне эшкә җәлеп итәргә мөмкинлек бирә. Әйтик, Нурлат үзәк район хастаханәсенә 11 белгеч эшкә урнашкан, шул исәптән 2се - авыл табиблык амбулаторияләрендә эшли.
Татарстан Республикасы Хөкүмәте грантларыннан 2 яшь белгеч кулланган. «Сәламәтлек саклау» милли проектының «Сәламәтлек саклау системасының медицина оешмаларын квалификацияле кадрлар белән тәэмин итү» региональ проектының бер тапкыр бирелә торган түләү күләме бер табибка 1 млн.нан 1,5 млн. сумга кадәр, фельдшерга 500 меңнән 750 мең сумга кадәр тәшкил итә.
Республиканың Нурлат районына Самара өлкәсеннән килгән 2 табиб-педиатрга һәм 1 табиб-терапевтка «Татнефть» ГАҖ 750 мең сум күләмендә өстәмә грантлар бирде.
Әлеге программалар белән бирелә торган мөмкинлекләрне куллану беренчел табиблык медик-санитар ярдәме күрсәтүче белгечләргә (участок педиатрларына, терапевтларына, гомуми практика табибларына) ихтыяҗны 93% ка канәгатьләндерергә мөмкинлек бирде.
Бүген «Нурлат РҮХ» ДАССУ Нурлат муниципаль районы администрациясе белән берлектә сәламәтлек саклауда медицина кадрларын беркетүгә юнәлдерелгән чараларны эзлекле рәвештә тормышка ашыра. Алар арасында - хезмәт торагы, социаль наем шартнамәсе буенча торак урыннары бирү, торак наймы өчен компенсация, укыту өчен түләү каралган. 2021 елда башка төбәкләрдән килгән 3 табиб ташламалы аренда килешүе буенча яңа йортта фатир алган. Шул ук шартларда тагын 2 белгечкә фатир бирү мәсьәләсе килештерү стадиясендә тора.
Барлыгы 2018 елдан башлап Нурлат районына Югары медицина белемле 29 белгеч килде һәм эшләвен дәвам итә.