Казаннан делегация Яр Чаллыда онкодиспансер эше белән танышты
Казаннан делегация ТР ССМ Республика клиник онкология диспансерының Яр Чаллы филиалы, паллиатив хезмәтнең эш нәтиҗәләре белән танышты. Делегация составында: Россия җәмәгать эшлеклесе, лейкемия белән авыручы балаларга ярдәм итүнең региональ иҗтимагый хәйрия фонды идарәсе рәисе Владимир Вавилов, ТР паллиатив ярдәм буенча баш штаттан тыш белгеч Илсур Шәймәрданов һәм ТР ССМ Яр Чаллы Сәламәтлек саклау идарәсе җитәкчесе урынбасары Рөстәм Ногманов.
Онкодиспансерның баш табибы Алмаз Хаҗиев һәм № 3 паллиатив медицина ярдәме бүлеге мөдире Раил Мөхәммәтшин кунакларга экскурсия үткәрде, онкопациентларга күрсәтелгән ярдәм күләме, паллиатив хезмәт белән таныштырды. 2021 елда гына да 962 пациент паллиатив ярдәм алды. Очрашу барышында Татарстан Республикасының төньяк-көнчыгыштагы пациентлар өчен паллиатив ярдәмне үстерүнең киләчәк планнары турында фикер алыштылар.