Түбәнкамалы үз шәһәр табиблары белән горурлана һәм гомерен коткарган өчен рәхмәт белдерә
Түбән Кама районында яшәүче Фәйрүзә Газизова гомерен коткаручы күппрофильле хастаханә кардиологларына рәхмәт белдерә.
9 февральдә Фәйрүзә Газизова ашыгыч рәвештә кардиология бүлегенә реанимация һәм интенсив терапия палатасы белән хастаханәгә салына. Бүлек мөдире Ринат Миниәхмәтов шунда ук хатын-кызда инфаркт диагнозын куя, тикшерүдән соң аны тиз арада рентгенохирургия операциясенә җибәрү турында карар кабул ителә. Ф. Газизова тәҗрибәле рентгенохирург Азат Хәлиуллин кулына эләгә. Бу вакытка пациентка кан басымы кискен кими - 80/40 була.
"Пациентка транслюминаль баллонлы ангиопластика үткәрелә - бу йөрәк артерияләрендә кан агымын торгызырга мөмкинлек бирүче операция. Кан тамырының бер өлешендә стент куеп, икенчесендә - кан тамырын ачтык", - дип сөйли Азат Хәлиуллин. Кан йөрешен торгызу вакытында пациентта аритмия барлыкка килә, шул сәбәпле йөрәк туктый. Безнең пациентлар белән мондый хәлләр кайчагында була, шуңа операция вакытында безнең белән янәшә кардиологлар-реаниматологлар һәм реанимация шәфкать туташлары да бар. Фибрилляцияне без электроимпульс терапия белән туктата алдык".
Бәхеткә, барысы да яхшы тәмамланды. Стентны уңышлы урнаштырдылар. Аннары Фәйрүзә Газизованы кардиология бүлегенең интенсив терапия палатасына күчерделәр, анда аны табиб-кардиолог Евгения Черкунова күзәтә.