Бүген капиталь ремонттан соң Республика клиник йогышлы авырулар хастаханәсенең балалар бүлеге ачылды
Казанның йогышлы авырулар хастаханәсенең Балалар клиникасы Окольная урамыннан профессор Агафонов исемендәге Республика клиник йогышлы авырулар хастаханәсенең Җиңү проспекты, 83 нче йорттагы дәвалау корпусына күчте, анда капиталь ремонттан соң йогышлы патологияле балаларга махсуслаштырылган медицина ярдәме күрсәтү өчен стационар бүлекләр ачылды.
Барлык эшләр дә республика бюджеты хисабына Республика клиник йогышлы авырулар хастаханәсен модернизацияләү кысаларында башкарылды. Стационар бүлекчәләрдә палаталар, электр белән тәэмин итү, җылылык челтәрләре ремонтланды. Яңартылган бүлекләр балалар халкына медицина ярдәме күрсәтү өчен яңа медицина җиһазлары һәм инвентарь белән җиһазландырылган.
Йогышлы авырулар хастаханәсенең дәвалау корпусын модернизацияләү эшләрен Казан шәһәре, Окольная ур., 10 йорт адресы буенча урнашкан Балалар клиникасы персоналын тулы составта күчерергә мөмкинлек бирде. 1968 елда төзелгән йогышлы авырулар хастаханәсенең балалар клиникасы бинасы йогышлы стационарларга куела торган санитария-эпидемиология нормативларының хәзерге таләпләренә туры килми иде.
Учреждение администрациясе бәяләвенчә, балалар клиникасын хастаханәнең дәвалау корпусына күчерү санитар-эпидемиологик нормативлар таләпләрен үтәргә генә түгел, шулай ук медицина ярдәме күрсәтүнең мөмкинлеген арттырырга, штат расписаниесен оптимальләштерергә мөмкинлек бирде.