Азнакай районында Сукаеш фельдшер-акушерлык пунктының милли проект буенча төзелеше тәмамланды

2022 елның 1 ноябре, сишәмбе

Республиканың Азнакай районының Олы Сукаеш авылында модульле ФАП төзелеп бетте. Хәзерге вакытта рөхсәт документларын рәсмиләштерү процессы бара, шуннан соң ул эшли башлаячак. Фельдшер-акушерлык пункты «Сәламәтлек саклау» милли проектының сәламәтлек саклауның беренчел звеносын модернизацияләү программасы буенча иске бина урынына торгызылды.

Сукаеш фельдшер-акушерлык пункты Азнакай үзәк район хастаханәсеннән 25 чакрым ераклыкта урнашкан, Сукаеш һәм Курай Елга авылларында яшәүче 485 кешегә хезмәт күрсәтә.