Югары Уратма авылындагы ФАП эшчәнлеге белән Рамил Муллин һәм Әгъзам Гобәйдуллин танышты
Түбән Кама шәһәре мэры Рамил Муллин, «ТР Муниципаль берәмлекләр Советы» Ассоциациясе рәисе Әгъзам Гобәйдуллин, Сәламәтлек саклау идарәсе җитәкчесе Сергей Мерясев, Югары Уратма авылында «Сәламәтлек саклау» милли проектының беренчел звеносын модернизацияләү программасы буенча төзелгән Кама Аланы РҮХнең Яңа ФАПында булдылар.
Югары Уратма авылындагы модульле ФАП беренче пациентларны узган ел ахырында кабул итә башлады.
Яңа ФАП беренчел медик-санитар ярдәм күрсәтү өчен кирәкле бар нәрсә белән җиһазландырылган. Аның ачылышы-барлык авыл кешеләре өчен көтеп алынган вакыйга. Әлбәттә, бу торак пунктта ФАП һәрвакытта да булды, әмма фельдшерлар кабул иткән шартлар бик шәптән түгел иде. 40 елга якын табиблар икенче каттагы почта бүлеге белән берләштерелгән бинада пациентларны кабул иткән.
"Бүген бездә барлык заманча таләпләргә туры килә торган медицина пункты бар. Югары Уратма авылы халкын һәм якын-тирә авылларны заманча медицина пункты булуы белән котлыйсым килә. Халык теләсә нинди зарланулар белән ФАПка мөрәҗәгать итә ала, профилактик чаралар уза ала – бу вакцинация, өстәмә диспансерлаштыру, проф.тикшерү һәм башкалар", - дип билгеләп үтте Сергей Мерясев.
Югары Уратма ФАПы тагын ике торак пунктка – Макаровка авылына һәм Володарский бистәсенә беркетелгән халыкның гомуми саны 532 кешегә хезмәт күрсәтә.
Пациентларны җылы, уңайлы һәм якты бинада фельдшерлар - Волкова Елена Сергеевна һәм Красильникова Елена Ивановна кабул итәчәк.
Быел Түбән Кама районында Түбән Чаллы һәм Кулмакса авылларында тагын ике заманча модульле ФАП барлыкка киләчәк. Аларны төзүгә финанслау шулай ук "Сәламәтлек саклау" милли проектының сәламәтлек саклауның беренчел буынын модернизацияләү программасы кысаларында бүлеп бирелгән.