Чаллыда «Ашыгыч ярдәм» фельдшерлары яшь хатын-кызга өйдә бала табарга ярдәм итте
«Кыз!», - диде «ашыгыч ярдәм» фельдшерлары Ирина һәм Светлана, ашыгыч рәвештә өйдә тапкан 20 яшьлек хатын-кызга.
Төнге сәгать 3тә диспетчерлык хезмәтенә ир-аттан чакыру килә - «хатыным бала таба», - дип дулкынланып кычкыра ул телефон трубкасына. Шунда ук бригада җибәрелә.
Өйләренә килеп җиткәч, каршыга ире чыгып, хатынының карын төбендәге каты авыртулар, тулгак тотуы турында әйтә. Вәзгыятьне бәяләп, табиблар шунда ук аңлый: «хәтта махсус сигналлар белән дә хастаханәгә барып җитмибез, тулгак тоту ешайды». Яңа кеше дөньяга килергә ашыга.
37-38 атнада 50 сантиметрлы һәм 2700-2800 граммлы миниатюр кыз туды.
Ирина һәм Светлана кендекне бәйләделәр. Сабыйны пеленкага төреп, тотрыклы гемодинамика белән әнисе белән бергә КБМҮнең перинаталь үзәгенә китергәннәр.
«Без кичергән хисләрне сүзләр белән әйтеп бетереп булмый, — ди фельдшерлар. — Үз балаңны беренче тапкыр кулга алган кебек».
Бүген яңа туган бала белән әни үзләрен яхшы хис итә, аларны өйләренә җибәрделәр.