Медицина көллияте педагоглары яшь түбәнкамалыларны медицина һәм социаль кайгырту күнекмәләренә өйрәтәләр

2023 елның 1 марты, чәршәмбе

Түбән Кама медицина көллиятендә укучылар өчен 2022-2023 уку елында медицина класслары ачылды.

Түбән Кама шәһәренең төрле мәктәпләреннән медицина сыйныфларда барлыгы 30 кеше шөгыльләнә. Дәресләрдә балаларга Түбән Кама шәһәре, ТР, РФ медицина һәм сәламәтлек саклау системасы турында сөйлиләр, көллияттә укыта торган белгечлекләр белән таныштыралар.

Укучыларны кызыксындыру, аларга булачак һөнәр сайлауны ачыкларга мөмкинлек бирү - Түбән Кама медицина көллиятенең педагог-медицина хезмәткәрләре өчен мөһим бурычларның берсе.