103нче номерлы рус-татар мәктәбендә чыгарылыш сыйныф укучылары өчен имтиханнар алдыннан борчылу һәм стресс халәтен бетерүгә юнәлдерелгән лекция булды

2023 елның 3 марты, җомга

Казанның 9нчы һәм 11нче сыйныф укучылары өчен имтиханнар алдыннан психоэмоциональ киеренкелекне һәм борчылуны җиңеләйтүгә юнәлдерелгән лекцияләр үткәрү дәвам итә. Лекцияләрне Республика иҗтимагый сәламәтлек һәм медицина профилактикасы үзәге оештыра.

Лекцияне 103нче рус-татар мәктәбендә ТРның атказанган табибы, Республика иҗтимагый сәламәтлек һәм медицина профилактикасы үзәге  психотерапевты Гөлфия Гаянова «Стресс һәм аны профилактикалау» укыды.