6 ФАП Татарстанда милли проект буенча алдан финанслау кысаларында төзелә
6 фельдшер-акушерлык пункты «Сәламәтлек саклау» милли проектының беренчел звеносын модернизацияләү программасы буенча алдан финанслау кысаларында төзелә.
Барлык нигезләр дә монтажланган. ФАПларның модульле биналары Азнакай районының Мөслим авылында, Актаныш районының Татар Ямалы авылында, Кукмара районының Адай авылында, Түбән Кама районының Нариман авылында, Балык Бистәсе районының Уракчы авылында һәм Татарстан Республикасы Чистай районының Югары Кондрата авылында төзеләчәк.
Быел Татарстанда әлеге милли проект буенча барлыгы 25 авыл фельдшер-акушерлык пункты төзелде.
Элегрәк Россия Президенты Владимир Путин илдә сәламәтлек саклауның беренчел звеносын модернизацияләүне дәвам итәчәкләрен белдерде. Дәүләт башлыгы билгеләп үткәнчә, бу программалар 2024 елга бюджет лимитлары кысаларында алдан финанслау ала ала.