Казанның 7нче поликлиникасы илкүләм проект буенча җиһазлар белән тулыланды

2023 елның 11 октябре, чәршәмбе

«Сәламәтлек саклау» милли проектының беренчел сәламәтлек саклау звеносын модернизацияләү программасы ярдәмендә 7 нче поликлиникага 2 яңа УЗИ аппараты (стационар һәм күчереп йөртелә торган) һәм флюорограф килде.

«Сәламәтлекне торгызу өчен оптималь медицина реабилитациясе» федераль программасы буенча төбәк ярдәме белән поликлиника реабилитация бүлеге өчен яңа җиһазлар алды: стабилоплатформа, йөгерү юлы, магнитотерапия, криотерапия үткәрү өчен аппаратлар, кул чугын һәм беләк-беләзек буыннарын төзәтү өчен аппарат, психоэмоциональ бушату кабинетын җиһазландырдылар.