800 меңнән артык татарстанлы гриппка каршы прививка ясаткан

2023 елның 16 октябре, дүшәмбе

Татарстанлылар гриппка каршы актив прививка ясауларын дәвам итәләр. Быел халыкның 60 % вакцинация белән тәэмин итү планлаштырыла. Бу хакта «Татар-информ» да узган матбугат конференциясендә баш эпидемиолог, ТР Сәламәтлек саклау министрлыгының иммунопрофилактика буенча белгече Дмитрий Лопушов сөйләде.

"Прививка ясаткан халык саны 800 меңнән артып китә. Булган вакцина 80% ка сарыф ителгән", - дип сөйләде табиб.

Әмма киләсе атнада Татарстанга вакциналарның яңа партиясе киләчәк. Исегезгә төшерәбез, Татарстан Республикасында «Совигрипп», ул өлкәннәр өчен, һәм «Ультрикс Квадри» вакциналары белән прививка ясала.