Балалар республика клиник хастаханәсендә тагын бер рекорд
Тагын рекордсмен-табиб - балалар хирургы Осипов Дмитрий Владиславович. Шунысын да билгеләп үтәргә кирәк, бу инде доктор Осипов исәбендә икенче рекорд.
2023 елның сентябрендә БРКХдә ашыгыч рәвештә 1 ай 9 көнлек кызга операция ясала, аңа уң иңбаш артериясенең ялган аневризмы диагнозы куела. Аневризманың диаметры 4,5 см, артериянең тышкы диаметры 1,8 мм. "Очы-очка" уң иңбаш артериясенең анастомоз операциясе башкарылган.
Олы кешенең иңбаш артериясенең диаметры якынча биш миллиметр, ә ике айлык биш килограммлы баланың диаметры күпкә кечерәк. Дөньяда аяк-кулларның тумыштан килгән аневризмы 45 очрак сурәтләнгән, ә нәкъ менә иңбаш артериясе аневризмы белән табиблар 14 тапкыр гына очрашкан. Дөнья рекорды Америкада куелган - тумыштан аневризмалы иң кечкенә балага ярты яшь булган, аңа Американың зур медицина үзәгендә операция ясаганнар. Хәзер исә соңгы ике рекордка БРКХ һәм доктор Осипов ия, шул рәвешле Россия Рекордлар китабында протоколланган, табиблар иң кечкенә пациентларның ике айлык биш килограммлы Ралинаның һәм 3,820 кг авырлыктагы айлык сабыйның кулларын коткара алган.
Баланы канәгатьләнерлек хәлдә өйгә җибәрделәр.