«Медицина китапханәләрендә мәгълүмати технологияләр» XV Библиофорумы
2023 елның 24-27 октябрендә Идел буе тикшеренү медицина университетының фәнни китапханәсендә (Түбән Новгород шәһәре) «Медицина китапханәләрендә мәгълүмати технологияләр» XV Библиофорумы узды. Аның максаты – медицина китапханәләре җәмәгатьчелегенең медицина белемен һәм практик сәламәтлек саклауны мәгълүмати яктан тәэмин итүдә заманча трендлар турында тиешле дәрәҗәдә хәбәрдарлыгын тәэмин итү. Форум программасы бик бай һәм кызыклы булып чыкты. Фикер алышулар арасында югары уку йортларын һәм сәламәтлек саклау учреждениеләрен цифрлы трансформацияләүдә китапханәләрнең катнашуы, медицина китапханәләрендә цифрлы технологияләр, хезмәтләр, инфраструктура кертү, цифрлы трансформация шартларында китапханәләрнең оештыру культурасын үстерү, шулай ук медицина китапханәләрендә социаль проектлар бар иде.
Форумда Республика медицина китапханә-мәгълүмат үзәге директоры Татьяна Львовна Куликовская катнашты. Ул «Китапханәләрнең социаль әһәмиятле эшчәнлеге» секциясендә «Республика медицина китапханә-мәгълүмат үзәге» ДАУ социаль әһәмиятле проектларын алга алып бару стратегиясе» доклады белән чыгыш ясый, доклад хезмәттәшләренең югары бәясен ала. Татьяна Львовна шулай ук «Директорлар советы» махсус чарасында катнаша, аның темасы – коллективта психологик климат. Команда белән нәтиҗәле идарә итү мәсьәләләре, мондый идарә итүнең ысуллары, стильләре һәм кораллары каралган.