Республика балалар клиник хастаханәсенә яңа җиһазлар бүләк иттеләр
Бүген бөтен дөньяда Сыйфат көне билгеләп үтелә. «Сыйфат» төшенчәсе товарларның һәм хезмәтләрнең сыйфаты белән генә түгел, ә экология, аңлы куллану, социаль өлкә, традицияләр, сәламәт яшәү рәвеше мәсьәләләрен үз эченә алган тормыш сыйфаты белән дә бәйле.
Медицина хезмәтенең һәм медицина ярдәменең югары сыйфаты сәламәтлек саклау системасының алга таба эшләве һәм үсеше өчен төп әһәмияткә ия. Ул үз эченә нәтиҗәле медицина ярдәмен, табиб-белгечләрнең квалификациясен, сервис хезмәтләрен, пациентларны дәвалау һәм реабилитацияләүнең нәтиҗәлелеген, медицина учреждениесен җиһазлауны ала.
БРКХнең күптәнге дуслары «Линия жизни» хәйрия фонды хастаханәгә яңа заманча җиһазлар (Карусель гистопроцессоры, парафин салу системасы, Стереоскопик микроскоп һәм Микротоп) бүләк итте, аның техник характеристикалары тикшеренүләр һәм диагностика сыйфатын яхшыртырга, шулай ук медицина ярдәме күрсәтүнең сыйфатын арттыру буенча чараларны гамәлгә ашырырга мөмкинлек бирәчәк.
Җиһазларны урнаштырган инженерлар табиблар һәм лаборантлар өчен эксплуатация кагыйдәләре һәм җиһазларда эшләү буенча махсуслаштырылган мастер-класс үткәргәннәр.