Теш протезларын льгота буенча ничек куйдырырга?
Татарстан Сәламәтлек саклау министрлыгының Республика стоматология поликлиникасының ортопедия бүлегендә төбәк льготалары өчен бушлай теш протезы ясала.
Бу процедурага чиратлар юк диярлек. Мөрәҗәгать көнендә табиблар тикшерү, ортопед консультациясе үткәрәләр. Кирәк булса, пациентны дәвалауга һәм авыз куышлыгын санацияләүгә җибәрәчәкләр.
Льготалылар өчен протезлау бөтенләй бушлай, авыз куышлыгының әзерлегенә бәйле рәвештә, бөтен этап ике айдан артык вакыт алмый. Хезмәтне өч елга бер тапкыр алырга мөмкин, теш протезларына 12 ай гарантия бирелә.
Татарстан Республикасында гражданнарның аерым категорияләренә теш протезлары буенча хезмәтләр күрсәтү программасы Татарстан Республикасы Министрлар Кабинетының 2015 елның 2 апрелендәге 214 номерлы карары белән расланган.
Документ нигезендә, бушлай теш протезлау хокукы бар:
1. "Иминият пенсияләре турында" Федераль закон нигезендә картлык буенча пенсиягә хокук бирә торган яшькә җиткән хезмәт ветераннары;
2. 1941 елның 22 июненнән 1945 елның 9 маена кадәр алты айдан да ким булмаган вакыт аралыгында тылда эшләгән кешеләр, вакытлыча оккупацияләнгән СССР территорияләрендә эшләү чорын исәпкә алмаганда;
3. Бөек Ватан сугышы чорында фидакарь хезмәтләре өчен СССР орденнары һәм медальләре белән бүләкләнгән кешеләр;
4. сәяси репрессияләрдән зыян күргән акланганнар;
5. "Татарстан Республикасы дәүләт бүләкләре турында" Татарстан Республикасы Законы белән булдырылган Татарстан Республикасы дәүләт бүләкләре белән бүләкләнгән затлар, "иминият пенсияләре турында"Федераль закон нигезендә картлык буенча пенсиягә хокук бирә торган яшькә җиткәч.
Казан шәһәре, Бутлеров урамы, 16 йорт, 3 корпус адресы буенча мөрәҗәгать итәргә.
Белешмәләр өчен Телефон: 8 (843) 236-46-21 (теркәү)