Шәфкать туташларының иң яхшы остазларын Чаллы шәһәренең 5нче хастаханәсендә сайладылар
Ел саен һөнәри осталык конкурсы шәһәрнең медицина хезмәткәрләренең профсоюз оешмасы ярдәме белән баш шәфкать туташы Гөлназ Шәүкәт кызы Гарипова инициативасы белән үткәрелә. Ул остазлык институтын үстерүгә, "шәфкать туташы" һөнәренең абруен күтәрүгә юнәлдерелгән.
Быел җиңү өчен 5 команда көрәште: 2нче неврология бүлеге, хирургия, кабул итү бүлеге, яңак-йөз хирургиясе, офтальмология. Яшь белгечләр остазлары җитәкчелегендә алган күнекмәләрен күрсәттеләр: авыруның ашыгыч хәлен билгеләделәр һәм ашыгыч ярдәм күрсәтү алгоритмын төзеделәр, практикада периферик катетер куюны башкардылар.
Конкурсантларның чыгышларын хастаханәнең баш табибы Зөфәр Мисбах улы Насретдинов, Яр Чаллы шәһәре сәламәтлек саклау идарәсенең шәфкать туташы эше буенча штаттан тыш баш белгече Эльвира Яковлевна Кустовская, Яр Чаллы сәламәтлек саклау хезмәткәрләре профсоюз оешмасы рәисе Любовь Владимировна Ховрычева бәяләде.
Призлы урыннарны остазлар алды:
1 урын - Мөршида Самат кызы Низаметдинова, хирургия бүлеге;
2 урын - Фәнүзә Фәрит кызы Шахметова, 2 нче неврология бүлеге;
3 урын - Лилия Тәлгать кызы Гатауллина, офтальмология бүлеге.
Җиңүчеләрне котлыйбыз!