Казанда VII регионара инженерлык конференциясе үтәчәк

2013 елның 27 сентябрендә «Иҗтимагый биналарда архитектура һәм инженерлык системалары» VII регионара фәнни-практик конференциясе үтәчәк. Конференциядә архитектура, инженерлык, энергетика һәм сәламәтлек саклау сферасындагы Россиянең һәм Татарстанның эре оешмаларыннан 200дән артык вәкил катнашачак.
Ел саен үтә торган конференциянең оештыручылары булып ТР Сәламәтлек саклау министрлыгы һәм регионара клиника-диагностика үзәге торалар.
Иҗтимагый биналар архитектурасының һәм инжинирингының үсеше юнәлешен билгеләүче тенденцияләрнең дәвалау-профилактика оешмалары өчен актуальлеге арта. Технологиялелек, ресурсларның эффектив булулары, хезмәт күрсәтүнең һәм уңайлыклар тәкъдим итүнең югары дәрәҗәсе медицина эшенә билгеләнгән заманча биналар кыяфәтен билгелиләр.
Конференция максаты – уңайлык һәм иминлекнең заман таләпләренә җавап бирүче медицина оешмаларын инженерлау технологияләре, проектлаштыру концепцияләре һәм принциплар өлкәсендә  тәҗрибә алышу.
Түбәндәге актуаль темалар кагылып үтеләчәк:
«Кешене 6 сизү органына архитектураның  йогынтысы»
«Дәвалый торган» архитектура юлында».
«Архитектурада «яшел» стандартлар - иҗтимагый биналарны сертификацияләүнең халыкара системалары»
 «Инженерлык системаларын һәм бина, корылма һәм сәнәгать комплекслары конструкцияләрен күзәтү системалары»
«Контактсыз гигиена санитар-техник әсбаплары»
һәм башкалар.
Үткәрү урыны:  Казан шәһәре, «Казан ярминкәсе» ААҖ, Оренбургский тракты ур., 8 йорт (Төп павильон, 3 конференц-зал «Свияжск», «Татарстан», «Казан».)
Ачылу: 10.00
------------------------------------------
Белешмәләр өчен
РКДҮнең мәгълүмат һәм иҗтимагый бәйләнешләр бүлеге башлыгы: Альбина Мөхәммәтшина
E-mail: icdc@yandex.ru
2911-176
89050216765